Privilegji

Minushe DAKU

Bota bën sehir
Ne jemi në këmbë
Me pishtarin në dorë
Një vezullim shkrepëse
Një shpresë
Dhe pishtari të ndriçoj
Besimtarëve zemrën t´ua qartësoj...

Prill, 2007
Prishtine

Privilegji

Lexoje te plote...

Të shohësh si duket kodra e imanit

Mehas ALIJA

eja
të lundrojmë
me barkën e devotshmërisë
në detin e pafund
të pa skaj
aty ku sosen drunjtë
aty ku ngjyrat nuk mjaftojnë
aty ku sipër tij
mblidhen zogjtë
dhe festojnë lirinë
jetojnë kaltërsinë
e duan thellësinë
e detit pafund...

eja
të gjejmë shërimin
aty ku fshehur gjendet
dermani i çdo gjëje
eja, e mos u tkurr
eja të njohim gjuhën
e shpirtit
pse po serohesh me lëvoren
e mëkatit
e të të rrjedh pelini
gojës...


eja zhytu në
Kur´an
tek drita e dritave
të shohësh si duket kodra e imanit
me lulet e bardha

08.04.2007
Tetove

Të shohësh si duket kodra e imanit

Lexoje te plote...

Nga dritaret e të bukurës hënë

Mehas ALIJA

(Elegji për muslimanin e sodit)

nga dritaret e të bukurës hënë
krah hapur
sy mbyllur
tërhiqet pas një melodie
të këngës
të ujqve në mal
që copëra xhami
bën shikimin atje larg
banori i parkut të gjelbërt

i vetmuar
pret që dikush ta fluturoj rrëmbimthi
pret të hënën e uruar të rebiu-l-evelit
duke parë nga yjet e perëndimit
ndoshta do të bie
meteori që ra në zemrën e shkretëtirës
botën ta kaploj dorë e mëshirës

(megjithëse ai një herë ra-
dhe kurrë më s´do bie)

nga dritaret e të bukurës hënë
end shpresën
siç endin vashat lulen e dashurisë
në pëlhurën e kujtimit
i robëruar pas melodisë
të këngës
të ujqve në mal
nuk sheh brenda kuadrit
as veten
as dëgjon zhurmën e barkut të tij
i shkulur si ahu nga rrënjët
tkurret gjallëria

i mahnitur
vetëm sodit
botën që vret zemrën
shpirtin
mozaikun e pasqyrave brenda
kuadrit të tij

nga dritaret e të bukurës hënë
banori i saj
sheh kulmet e tjetrës botë
të asaj që kurrë s´ke e tija
të asaj
që ia vodhi dritën
dhe mbi të la errësirën
për shkëmbim

Nga dritaret e të bukurës hënë

Lexoje te plote...

Vula e pejgamberisë

Thonë se ishe mrekulli
Mbi mrekulli
Si ti s´kishte asgjëkundi bukuri
Thonë se ishe i urtë
E trimërisht duroje kamxhik e gurë
Ishe besnik e bujar
Më i mençur se çdo tregtar
Modesti...
Se jo mahi
Të lavdëronte i vjetër e i ri
Thonë...
Po çka nuk thonë??
Edhe ti ishe njeri
Nuk ishe hyjni
Por kishe më të çmuarën
Pejgamberi

prill 2007

MINUSHE DAKU , PRISHTIN

Vula e pejgamberisë

Lexoje te plote...

Fatihaja e njeriut

Ec e vështro mbi qiellin e stolisur,
vështro Tokën e fortuar
vështro yjet që shkëlqejnë
vështro hënën si ndryshon
vështro diellin si rrugën e bënë...
Ndalu e mendo mbi kulmin pa shtylla,
mbi vendqëndrimin tënd pa themel
mbi kandilat pishtarë të gjithësisë
mbi hënën bukuroshe me trajta
mbi ajrin që të ftohë e të ngrohë...
Ndalu e kujto natën që vjen me gjumin,
kujto ditën që sjellë gjallërinë
kujto frymën që mbush kraharorin
kujto shpresën për të jetuar
kujto momentin që sjellë shkatërrimin...
Shiko e gjyko për syrin me qerpik,
për vetullat mbi sy të rënduara
për zgavrat e hundës me qime
për gjuhën fantastike me shije
për zërin që bëhet fjalë të kuptosh...
O njeri, trego se nuk u krijove nga një "bum",
se nuk ishe askush dhe u bëre dikush
se gjurmët tua janë argument
se zemra jote e dobët kërkon mbështetje
se gjuha jote fsheh besimin
se arsyeja jote njehë plotësisht Zotin...
Ndalu e vështro, mendo e beso
mbi një Krijues të pa të meta,
mbi Mëshirën që mbanë botën
mbi Fuqinë që s’njeh dobësinë
mbi Zotin një, të Vetmin, të Pashoqin!



Mehas Alija,

Tetove

Fatihaja e njeriut

Lexoje te plote...

MJERIM

Te thuash nuk dita
Kur zemra me ngerthen
Si konfuz vjeshte vyshkem
Nuk heshte perballe jetes...

Ta ndjesh brengen,
Ne kengen e veres
E zhveshur si e marre
Pret mekatin e rradhes ...

Akti i gjykimit tim eshte flori ,
Nga stresi bie ne ankthe,
E harroj Perjetesine
Dita e pranveres...

Thellohem ne vargje,
Si det i terbuar pendimi,
Lotet me rrjedhin si uragan,
E pushtojne zemren e thyer...

Heshte si Hene ne cdo sarkazem,
Ky simbol ndjenjash jashte Zotit,
Te zhyte ne thellesirat e mekatit,
Mungesa e dimrit,
Shenje e denimit...

Hamdi Nuhiju

MJERIM

Lexoje te plote...

Edhe Hena ka Sy

Mehas Alija

Mesit të natës
Ia vodhën qetësinë
Dhe menduan
Nuk i pa askush



Njeriu gaboi
Kur kështu mendoi
Si ditën edhe natën
Të kemi frikë Zotin
Se, edhe hëna si dielli
Ka sy për të dëshmuar



Edhe hapin që e bën
Pa dijen e Zotit nuk shkon

Edhe Hena ka Sy

Lexoje te plote...

Pagezim

Mehas Alija

Unë biri i shpirtit shtegtar
të urtit të mirit

Unë biri i Ademit t'parë
njeriut të Zotit të Diturit

Unë shehid i fjalës së lartë
të Zotit të Gjithëdijshmit

Unë biri i birit të birit... të ilirit
Shqiptar vullnetar muslimtar

Pagezim

Lexoje te plote...

Furnizuesi i pambarim

Mehas Alija


Mos u frikëso nga varfëria
Jeto i devotshëm, furnizon Perëndia!
Jeto dhe puno aq sa ke mundësi
Mos e humb veten për një pasuri!
Sa të pasur shkuan e u harruan
Sa të varfër me varfëri jetuan!
Jeta vazhdon, ti je një udhëtar
I pasur a i varfër, të jesh durimtar!
Shpresën mos e humb, Zoti të mëshiron
Nëse nuk e ke zemëruar Ai të ndihmon!
Jeto dhe puno me të vetmin qëllim
Të arrish kënaqësinë e Zotit,
Të Furnizuesit pa mbarim!

Furnizuesi i pambarim

Lexoje te plote...

Mbulesa Jote

Mehas Alija
Si pranverë në ditët
e para të gjelbërimit
dukesh ti me mbulesë
sy i qiellt zemra jote
sa e bukur e mbuluar dukesh
tokë e qiell
të bënë dritë fisnikëria
ty që m’je fisnike
çdo gjë tek ti mirësi
mirësi të fshehur
margaritar me vlerë...

Mbulesa Jote

Lexoje te plote...