Librat prej plastike

>> Friday, February 29, 2008


Fahredin SHEHU


Rrafte të plota të mendjeve të shkrira

Rrafte të plota të verbërive të fituara jo nga saldimi

Rrafte të plota kohësh të paluara jetësh njerëzish të mesbotës

Nuk i dogjën armiqtë

Por i dogjën shkrimtarët

Fabrikues të librave plastike

Që marrin format e snobizmave

Të mbështjellura si nyjet e të yshturave semite

As Nas a Felek nuk e shpetojnë

Më fal O Zot

Se keshtu foli edhe harabeli i Sollomonit

Që unë tash ta kuptoj alfabetin runik të fodullisë së injorantit monden

Se paska edhe rrafte të plota me libra prej plastike

Të dekorojnë në metrazh zbrazëtirat e escajgut të thyer pa qëllim

Ato libra me tituj Novalis, Dostojeski, madje edhe Crnjanski

Po po prej plastike që ta mashtroj vetën dhe të tjerët në të njejtën kohë.

Aferin o tregëtar... dijetarët/robërit të përkulen


Share/Save/Bookmark Lexoje te plote...

FJALËT LINDËN TË ÇELIKTA


Xheladin HAMZA


Guximi dhe trimëria

Ka kohë që kanë rënë në gjumë

Ëndrra të pakëndshme i përqafuan

Në heshtje...

Shkuma mbi Ibrin qanë

Me zërin e një fëmiu të vogël

Të mbetur jetim

Përzihej me britmën e një qyteti plak

Që e pa se drita e diellit për te u fsheh

Koha aty u ndalë për pushim

E nata rënkon mbi brigjet e tij...

Nga malli e nostalgjia për fluturim

Shqiponja dykrerëshe vrullshëm u zgjua

Lindën fjalë të çelikta në vete

Nuk ka ndarje të Kosovës asnjë pëllëmbë!

Nga horizonti i nëntë i nëntokës

U gdhendën shkronja të arta

Edhe mbi shkëmbinjtë

Të Mitrovicës, Zveçanit, Zubin Potokut

E të Loposaviqit

PAVARËSIA E KOSOVËS!


Share/Save/Bookmark Lexoje te plote...

Shkelqim hëne

>> Thursday, February 28, 2008


Ali SYLAJ


O hënë, mbretëreshë e natës

Që ndriçon zemrat e pikëlluara

Ti do shkëlqesh plot magji

Edhe atëher kur të jem harruar


Sot të shikoj plot kënaqësi

Netëve të ngrohta tek ngritesh madhështore

Një ditë varrin tim do e ndriçosh me zbehtësi

Ne shkuam-ti mbete me botën mizore


Një kohë ishe këtu me tokën bashkuar

Netët plot errësirë frikë e trishtim zgjonin

Qielli të thërriste nga lartë për të ndriçuar

Fshehtësitë more me vete,jezidët kot i kërkonin


Në dy pjesë u ndave për hirë të Profetit

Gishtin e bekuar kah ti kur e drejtoj

Prap do të coptohesh para kiametit

Hëna u rikthye atje nga ku filloj.


Share/Save/Bookmark Lexoje te plote...

Në Uhud


Ali SYLAJ


Në Uhud shtatëdhjetë e dy shehidë

Ranë që të qëndronte një Profet,

Hamza, Xhaferi trima të vërtetë

Yje në këtë botë, yje në Ahiret.

E Vërteta me të pa Vërtetën në mejdan

Me vringëllimë shpatash u takuan,

Rrugën të vazhdonte duhej ky karvan

Për All-llah, Profet,me dëshirë u flijuan...


Share/Save/Bookmark Lexoje te plote...

Ma sjellë esencën e Diellit

>> Wednesday, February 27, 2008


Xheladin HAMZA


Shikimin e hodha në ardhmëri

U ngritë mbi maje të ylberit

E puthi ngrohtë dhe mbeti aty

E unë mbeta në shpresë për sytë e mi...


Dhe sot kur dënesa më dërmoji

E pamëshirshëm shpirtin ma theu

Në mijëra copëza më të imta se atomi

Të lutem mos shkel më mbi mua

Si mbi një lule të këputur e të venitur...


Edhe njëherë kthe kokën kah unë

Derisa akoma frymoj me frymë të rëndë

Dhe shiko në sytë e mi të verbër

Si rrokullisen e vdesin lot veç për ty...


Ma sjellë esencën e diellit

Të ma ngrohë shpirtin e ngrirë

Si të një varfanjaku të braktisur

E orkideja le të çelë edhe njëherë

Sall për mua e për ty...


Share/Save/Bookmark Lexoje te plote...

Në fillim

>> Tuesday, February 26, 2008


Hamdi NUHIJU

Të flas por ti hesht,
Gjuetia e zemrës më mashtron,
Ka kohë që nuk të kam pranë,
All-llahu na mëshiroftë nga dynjaja,
Prej kaderit në kader,
Sytë e tu dhimbshëm flasin,
Shpirti im kodekset harxhon,
O All-llah unë u zhduka,
O All-llah unë të dua….
Ma mundëso të lutem strehën nën hijen Tënde,
Sepse e dua për hir Tëndin o Krijues i Botrave.


Share/Save/Bookmark Lexoje te plote...

MOS SHANI MUHAMMEDIN




Përse shani e ofendoni
njeriun e dërguar pejgamber
përse shqetësoni muslimanët
e ju njerëz të mjerë

Përse nuk pushojnë gjuhët së shari
njeriun që me mëshirë u dërgua
përse s'ndaloni njëherë
Të vërtetën për ta studiuar

A shante ai,
apo a ofendonte
misioni i tij për moralin
me çka e urdhëronte

Ai ndaloi ofendimin
urreu e nënçmoi sharjen
përbuzi mallkimin
dhe mohoi përçarjen

Ai na mësoi
se nuk bën të shash njeri
ngase që të gjithë ata
janë krijuar nga i Madhi Perëndi

Ai tha për Isain, të birin e Merjemes
që ju për Zot a bir të Zotit e besoni
e kam vëlla në fe
nuk bën ta ofendoni

E shqetësonin me fjalë
e rëndonin me fyerje
sprovohej vështirë çdoherë
"jam dërguar mëshire" thoshte ky pejgamber

Allahu mëshirë më dërgoi
mallkimin ma ndaloi
butësinë dhe mirësjelljen
me Kur'an m'i urdhëroi

Nëse Muhammedi
askënd nuk paska ofenduar
atëherë çfarë shtyn këta njerëz
atë për ta shqetësuar

Sedat G. ISLAMI
16-2-2008, e shtunë
Vushtrri, Kosovë


Share/Save/Bookmark Lexoje te plote...

EGOJA

>> Monday, February 25, 2008


SHEHID HASAN EL-BENA

(1906-1949)



Egoja është

Fushë-beteja

E parë.

Ndaj saj

Nëse jeni

Fitimtarë,

Atëherë,

Betejat tjera

Në vazhdimësi

I fitoni

Me lehtësi.


Përktheu nga anglishtja:

Mexhid YVEJSI, Gjakovë


Share/Save/Bookmark Lexoje te plote...

Nuk e di ku je

>> Sunday, February 24, 2008



Hamdi NUHIJU

Në paç një dhimbje në zemër,
O Zot largoja,
Në paç një dashuri të përkëdhelur,
Një zhurmë të mjelur midis filizave...
Si të dukem unë ty?
I ngurtë pa fije emocioni,
Apo ndoshta lotëve dua t`i flas?
Ke humbur,
Nuk e di ku je...
Ditët e bardha më përqafojnë,
Të zitë e dashurisë nuk dijnë gri,
Sot linda , e nesër do të vdes,
Ku je ma thuaj???
Trokasin shekujt si cicero,
Memorie e harruar,
Në sexhde jam i njejtë,
Por në zemër i lënduar...
Aq e pafatë kjo fjalë,
Që më lidhë zvarrë me Rumiun,
Në Sahara jam,
Po ti ku ke humbur???


Share/Save/Bookmark Lexoje te plote...

GAFILIJET


Semra HALILI( mësuese e gjuhës turke në Tetovë)



NDONJEHER hy ne burg te zemres e fundosem
ne detin e loteve
anije skam jam ne ishullin e pashpresesise dhe johareses
po,zemra me mbulimin
e dashurise ndaj ZOTIT
QETESOHET,FRESKOHET
LOTET SHENDROHEN NE GEZIM
HARE e lumturi
burgu mund te jet gafilijet
po dalja nga burgu
e tregon shpirtin e qete
me persosjen eshpirtit
fundosja nga lotet
behet lartesim ne qiell
dhe me ne fund
vjen anija ae te shpeton
nga ishulli i pashpresesise
te dergon ne bukurite e fese
e cila quhet

dashuri ndaj
MUHAMMEDIT ALEJHI SELAM
ME ZGJUARJEN NGA GAFILIJETI
SHPIRTI BEHET SABIKUN BILHAJR
QE GARON NE TE MIRA
te garojm edhe ne
e te perparojm me ISLAM


Share/Save/Bookmark Lexoje te plote...

VDEKJA ECËN NË HESHTJE E QETËSI

>> Saturday, February 23, 2008


Xheladin HAMZA


Me gjuhën e heshtjes

Vdekja përjetësisht na flet

E ne fare nuk e kuptojmë...

Pa dallim ngjyre e gjinie

Njësoj me vete merr shpirtra

Të zinj e të bardhë...

Shpirtzinj i merr në dhimbje e mundime

Dhe i vendosë nën pemën e Zakumit

E shoqëri u bëjnë djajtë me brirë...

Shpirtbardhë i merr me lehtësi

Të përcjellur me muzikën hyjnore të semas

E të mbështjellur me aromë lulesh

Të këputura nga kopshti i Edenit...

Lindja dhe vdekja shkruhen

Me shkronja të arta e të zeza

Nga vet dora e të Madhit Zot...

E mes tyre krijojnë harkun

E fillimit dhe mbarimit jetësor...

E vdekja ecën gjithmonë

Në heshtje e qetësi...


Share/Save/Bookmark Lexoje te plote...

Penda e HAFIZIT

>> Friday, February 22, 2008


Ali SYLAJ


Më dhuro pendën Hafiz

Të shkruaj gazele, ilahi

Dhimbje ka ashiku i shkretë

Që ashikisht të shkruaj nuk di

Do doja ta kushtoj një këngë

Nga nderi dhe dashuria për ty

Por fjalët në valle s`di si t`i bashkoj

Dhuroma të lutem pendën tënde ti

Në fytyren trëndafile nishani si diell

Dhe vargjet tua lule plot bukuri

Seç më mbetën në zemër kur i lexova

Të shkruara nga pendë e jote ç`mrekulli

Fanarë që ndriçon dhe det dashurie je

Bilbil në fluturim,ç`trëndafil kërkon ti

Je bilbil këngëtar,je trëndafil erëmirë

Fjala jote mbetet sa t`ketë mbi tokë njerëzi.


Share/Save/Bookmark Lexoje te plote...

Mbet Ihsan


Fahredin SHEHU


Edhe sot loti ma bojdis kët

Vuxhut t'padukshëm pej njerzie

Prap flakë xhani kallHallkun e t'Madhnueshmit

Tahret shpirtit q'i ban për nime

Nji semavat me yje shoh

Kur bie shiu duan tek ma çon hedije

Në dallgat e kangës s'melaqeve shkon

Te Ruhi i paç t'i diftoj

Mexhlisit t'NUN-it e ta knaq

Se ktu pos dashnisë ilaç tjetër ska

Dhe sytë qi shohin hyri

Erandin gjylsoj në secillën zemër

Secilla dor jep veç nga vetja

Si dashni e amsheshme

Me Allahin dhe për Të

Tevona vazhdon me mbet insan

Tevona vazhdon me mbet ihsan


Share/Save/Bookmark Lexoje te plote...

Eja...


MEVLANA XHELAL ED-DIN RUMI

(1207-1273)


Eja,

Sërish,

Eja.

Cilido

Që je.

Eja,

Pagan

Adhuerues zjarri,

Idhujtar,

Eja,

Edhe nëse

Qindra herë

E keni thyer

Pendimin.

Dergjahu ynë

Është dergjah

I shpresës.

Eja,

Hajde, de,

Ai që je…


Përktheu nga anglishtja:

Mexhid YVEJSI, Gjakovë


Share/Save/Bookmark Lexoje te plote...

Të lindësh

>> Thursday, February 21, 2008


Shkruan: Hamdi NUHIJU

Të lindësh dhe të dashurosh ,
Frymëmarrje e kobshme oscilon,
Sadakatë , namazet , sexhdet,
Sevabet peshojnë!!

Të lindësh dhe të duash,
Më thuaj çfarë ndjenë mbi vazon e thyer?
E mekur si çdoherë,
Do të vdesësh , do të vdesësh!!

Kjo ujëvare që më sfidon,
E ky sens i paimagjinueshëm,
Më boshatis në mes,
Si një meskin i porsalindur!!!

Sytë e tu rozë,
E fjalët e ëmbëla më mungojnë,
Rrugëtim nëpër shekuj ,
Rilinda thash!!!

Si mund të të harroj,
Kur ti ishe pran meje ,
Si mund të të mos besoj,
Kur kozmosi dëshmon mbi iman!!!

Më rrëmbejnë punët e vockla,
Të vazhdueshme deri në ahiret,
Ah moj jetë e pajetueme,
Mos më harro në mizan!!!

Ku e di zemra se çfarë është e bukur?
Harrohem , të përkedhël në gjëmbat e rëndueme,
Bukuria është kozmosi që flet,
E zemra mbështjellësi që ruan!!!

Dua të të dua,
Të lindim bashkë në besim,
Dua të të dua,
Të gdhijmë përgjithnjë në xhennet!!!


Share/Save/Bookmark Lexoje te plote...

Burimi

>> Wednesday, February 20, 2008


HAFIZ SHIRAZI
(1325-1388)



Aq shumë lotë
Kam derdhur
Duke vajtuar,
Sa kushdo
Që do t’më
Kishte takuar
Do të habitej,
Nga habija
Do të pyeste:
Lum miku im,
Cili është
Ky burim ?

Përktheu nga anglishtja:
Mexhid YVEJSI, Gjakovë


Share/Save/Bookmark Lexoje te plote...

Jeto i lirë



JEHONA PERQUKU






Qka do të thotë i lirë?
Në errësirën e mbuluar,
Në mbijetesën e kërkuar,
Në frymën e zenkuar ,
Gjaku nga venat i kulluar,
Të vdesësh me nder e ndaluar,
Dritën kurr pa e shikuar,
Zemra e gjallë, mendja e shuar,
Etje ,durim i sakrifikuar ,
Tronditje e përjetuar,
Shpirti thell i trazuar,
Miliona shekuj për t’mos harruar.

Erdhi dita për të festuar,
Eh tani LIRI kemi Gëzuar,
Emocion i papërshkruar,
Me shekuj i luftuar,
Atë që deshëm e fituam,
Të gjithë në fund e kuptuan,
Jemi komb i bashkuar,
Me PAVARËSI u kurorëzuam……
KOSOVË qofsh e Bekuar!


Share/Save/Bookmark Lexoje te plote...

KOSOVËS TË PAVARUR E SOVRANE

>> Sunday, February 17, 2008


Xheladin HAMZA


(akrostik)


Përplasen shkëmbinjtë shekullore të vjetra e toka ndahet

Ata që me gjakun e tyre të kuq e lagën këtë tokë të bekuar

Varret e tyre përgjithmonë ndritin dritë hyjnore për ne Aurora mbi shpirtra të tyre shkëlqen me ngjyra të kristalta

Ranishtës me trëndafila të kuq rrugëtojnë botës hyjnore

Ëndrrat për të cilat syhapur ëndërronin – u realizua përjetësisht

Sofrën me bukë, krip e zemër e shtrojmë tani pa frikë në liri

Ikonë dhe emblemë e KOSOVËS TË PAVARUR E SOVRANE

Ashtu si e dëshiruat jeni dhe përjetësisht mbeteni JU!


Share/Save/Bookmark Lexoje te plote...

I HUMBUR NË KOHË


Xheladin HAMZA


I humbur në mjegullën

E labirintit të jetës...

Dënesën e kohës

E barti në shpirtin

E këputur....

Pa ty

Heshtja më vret

Me plumbin e saj

Që sytë e mi

S’e panë kurrë...

Iluzione

Të ndrydhura

Të lakuara

Dhe të thyera

Digjen në mua

Si fletë letre

Që shndërrohen në pluhurin

E jetës së shuar...


Share/Save/Bookmark Lexoje te plote...

Vlera

>> Saturday, February 16, 2008



Shkruan: Hamdi NUHIJU


Nën gërmadhat dhe gjethet e zverdhura,
Ku fryn ky sens i dashurisë,
Asketizëm apo sufizëm?
Bie mendja në dyshim!!!
Jeta është vdekje pa dashuri,
Si fëllënzë më rrëmben ky tregim i ri,
Soditësit hedhin valle,
Një yllë i ri po shëndërrit përgjithnjë...
Korozion mendimesh shterpe,
Në mes të shkretëtirës blu,
Deveja e lodhur klithë si dashnor,
Të ëndërroj gjer në qiellin e shtatë...
Elementi i katërt i estetikës,
I pesti me rradhë shëndërrohem me murid...
Vlerë është Islami,
E njeriu është peshë e kozmologjisë...


Share/Save/Bookmark Lexoje te plote...

Fjala e All-llahut

>> Friday, February 15, 2008


FERHAN SAID


Pranë Diellit, Hënës,

Pranë yjeve, galaksive,

Pranë Qiellit dhe Tokës,

Pranë maleve, kodrave,

Pranë luginave, fushave,

Pranë shkretirave, kanjoneve,

Pranë oqeaneve, detrave,

Pranë liqejve, lumejve,

Pranë prrojeve, krojeve,

Ndodhet, qëndron,

Për secilin qė mendon,

Fjala e All-llahut…


Përktheu nga anglishtja:

Mexhid YVEJSI, Gjakovė


Share/Save/Bookmark Lexoje te plote...

KËSHILLË

>> Thursday, February 14, 2008


SHEJH SA’ADI SHIRAZI(1213-1293)


Kokën e armikut qëlloje

Me duart e tij shtrëngoje,

Që të arrish

Një nga dy synimet:

Kokën e tij ose duart tuaja!

Nëse koka jote thyhet

Ëndrrat t’u realizuan,

Nëse duart të thyhen

Duart e tuaja shpëtuan!


Përktheu nga anglishtja:

Mexhid YVEJSI, Gjakovë


Share/Save/Bookmark Lexoje te plote...

Ç’ËSHTË KUR’ANI?




SHEJH MUHAMMED IBN’ARABI(1165-1240)




Kur’ani


Është Gjithësia


Që flet.




Gjithësia


Është Kur'ani


Që hesht!




Përktheu nga anglishtja:


Mexhid YVEJSI, Gjakovë


Share/Save/Bookmark Lexoje te plote...

Krijesë e lënduar


Fahredin SHEHU


Në fusha të përbaltura

Gjeta ftyrë burri me faqe të kuqe

Musteqe të zeza

Krihë të thyera

Këmbë të prej cjapi të bardhë

I ndihmonte vëllau dhe xhaxhai im

I hutuaar sorollatesha

Vëllau më thoshte

Shko ndihmoi babës

Përnjëherë sokaku m’u shfaq në një dalje si

Derë e rënë nga muret e shtëpisë

Procesion i gjatë

Saddhu, rabinë, pritërinjë, hoxhallarë, shejhler me mjekrra të gjata

Mbanin kandila, me ujë spërkatnin dhe tymosnin me temjan

Zingjirët ushtonin frikë në mua ndjellnin

U ktheva nga frika që ma thoshte ikjen nga kjo botë e amullt

Duke e prekur me të djathtën valëDorën e majtë të akullt

E majta e mpirë fshinte ballin me djersë të kristaltë

Dhëmbi më cingërron dhimbjen dhe më zgjon

Për ta parë një botë që i thonë

KJO…


Share/Save/Bookmark Lexoje te plote...

O ju miqtë e mi

>> Tuesday, February 12, 2008


Xheladin HAMZA


Ejani sonte

Kur më së shumti

Nevojë për ju kam

O ju miqtë e mi...

Natë e rënd, shumë e rënd

Shtrati më është bërë

Më i fortë se çdo shkëmb mali...

Rrymë nuk ka

KEK- u e ndal orar e pa orar

E në errësirë i lënduar

Në vetmi gjëmoj...

Nëpër qiellin e hapur

Vetëtima shëtit si zonjë e rënd

Dhe vizaton harta gjeografike

Dhe pentagrame sipas dëshirës së saj

E murmurima shpirtin ma dridh...

Nuk më mbeti më

As gjak

As lot

As djersë...

Të gjitha i mblodha në një vend

Dhe i mbështjelli në mindilin e lagur

Dhe i përziej me qelbësirën

Nga mushkëritë e mi të kalbur

Nga kaverna e lodhur...

Ku keni humbur

Ku keni tretur

Ejani ta festojmë këtë pavarësi

Në këtë tokë HYJNORE

O ju miqtë e mi...


Share/Save/Bookmark Lexoje te plote...

SHPIRTI DHE TRUPI


SHEJH SEJJID AHMED ER-RIFA’I
(1116-1182)


Shpirti rrjedh
Nga Drita,
Drita e Fronit Hyjnor…

Ndërsa trupi
Ka për bazë pluhurin,
Pluhurin tokësor…

Krijuesi i Plotfuqishëm
Këto i bashkoi
Që t’i sprovojë…

Shpirti është në mërgrim
Ndërsa trupi gjendet
Në vendin e vet…

Prandaj, kini mëshirë
Ndaj mërgimtarit të shkretë,
Që përpiqet për Atdheun e vet.

Përktheu nga anglishtja:
Mexhid YVEJSI, Gjakovë


Share/Save/Bookmark Lexoje te plote...

Pasuria

>> Sunday, February 10, 2008


IMAM HASAN EL-BASRI
(642-728)



Buka ime
E përditshme
Është uria.
Stolia ime
Është frika.
Rroba ime
Është leshi.
Pra,
Nuk kam
Asgja.
Megjithatë,
S’prish
Punë,
Sepse
Askush
Nuk është
Më i pasur
Se unë.

Përktheu nga anglishtja:
Mexhid YVEJSI, Gjakovë


Share/Save/Bookmark Lexoje te plote...

Kercim

>> Friday, February 08, 2008


Fahredin SHEHU


Kërcim

Lot-hale

Pijë pamjen

E pramverës së ngirë

Në fyt më mbet

Fara e rrushit të papjekur

Gëzimin ma shëron

Dhe `ka tjetër?


Share/Save/Bookmark Lexoje te plote...

Shperngulja


Ali SYLAJ


Po s`u shpërngule nga Meka në Medine

Nën pushtet idhujsh jetën do kalosh

Ushtri e territ të shkakton mundime

Torturë pas torture,

Zotin ta mohosh

Shtëpinë e shejtë ngulfatur ta kan

Me zotra të rremë ,sa neveri

Në sfond të zemrës terri i zi katran

Lëshohet ngadal e shpirtin mbyllë në robëri

Shpërngulu me të shpejtë,

pas Profetit vrapo

Braktise vendlindjen dhe pasurinë që s`ka vlerë

E verteta të pret,pa frikë ate e kërko

Pastrohu nga kotësirat,

I lirë do jeshë përherë


Share/Save/Bookmark Lexoje te plote...

TRÊNDAFILI I KÊPUTUR


Ali SYLAJ




Kur ta këputësh trëndafilin

Do mbeten kërcell e gjemba si shëmti

Sa ishin së bashku të pa ndarë

Krijonin të mahnitëshme harmoni


Dhe tani ndarë nga njëri tjetri

Të mjerë më duken që të dy

Lulja e bukur zverdhet dhe vyshket

Në vazon e bukuroshes shtatselvi


Kopshti humbi mburrjen,krenarinë

Gjembat nuk joshin më bilbil

Se ata ikën, morën arratinë

Qyqja nisi këngën plot trishtim


Trëndafili nuk këputet të dhurohet

Se shkurt do zgjasë aromë e tij

Mbjellët, dhe me të toka hijeshohet

Në zemra zgjon ngrohtësi e dashuri


Share/Save/Bookmark Lexoje te plote...

SEMAZAM ËNDËRROVA TË BËHEM


Xheladin HAMZA


Semazem tërë jetën ëndërrova të bëhem

All-llahut të Madhërishëm shpirtërisht ti shërbej

Kërcimtar i paepshëm i semas në shpirt

Ikja nga kjo botë e kalbur – në qetësi

Përtej shtatë horizonteve qiellore - në vetmi

Kërkoj vetën time në erërat e humbura

Rërës dhe shkumës së detit të pafund

Ylberit me sytë e lodhur i ngjitem majës së tij

E shikoj botën e turbulluar në mjegullën e saj

Zaten edhe sytë e mi mjegullohen në këtë qelbësirë

I lutem të Madhit Zot t’më drejtoj rrugës hyjnore

Udhëtarë në rrugën e shpirt bardhësisë të jem përjetësisht!


Share/Save/Bookmark Lexoje te plote...

Erdhi pranvera

>> Wednesday, February 06, 2008


Ali SYLAJ


Pas pritjeve të gjata plot mallë

Na erdh pranverë e dashur,zbukuruar

Fryma hyjnore çdo gjallesë ka ringjallë

Dimri më pat mbushur pikëllim mua


Arritën erërat e ngrohta lajmëtare

Me shushurimë mikëluese e brohori

Qielli urdhëroj tokën-nxirr nga gjiu thesaret

Tash s`mund t`i bësh ballë të bekuari shi


Natyra ihramët e bardhë i braktisi

Petku gjelbërosh i rri për mrekulli

Kurorë nusërie pemët i qëndisin

Zogjët formojnë të magjishme simfoni


Share/Save/Bookmark Lexoje te plote...

Pas fshehtesise


Ali SYLAJ


Pas çdo fshehtësie një dituri

Të pret pas parmakëve si princeshë e robëruar

Pas çdo diturie një njeri-gjeni

Errësirat çanë-kalorës në ar praruar


E çdo gjeni prej Zoti mrekulli

Për lehtësim nga mëshira krijuar

Hulumto,studio-i tillë bëhu dhe ti

Mbi shehid do jeshë në xhenetin e bekuar


Pas çdo shkence,tjetër shkencë

Me mjegull misteri mbuluar

Pas çdo njeriu,një tjetër njeri

I përcaktuar për të hulumtuar


Pas çdo errësire-injorancë,errësirë

Të verbon,të huton e rrugën ta pret

Në fund të rrugicave nga një djallë me brirë

Mysafir të fton në ahengun e vet


Share/Save/Bookmark Lexoje te plote...

Perditshmeri


Ali SYLAJ



Zgjohem çdo ditë mes jetës e vdekjes

I pikëlluar të njejtën panoramë vështroj

Shikoj njerëzit dhe i them vetëvetes

Ende jam këtu,këtë ditë do ta shfrytzoj


Dielli ngritet,koha ecë-lakmia ndjenjat pushton

Dhe epshi gjahtarë në kurthe zën zemra pa mëshirë

Me shkelqim dynjaje verbon,vret-përbindësha krijon

Të vërteten ta kuptojnë e kanë shumë të vështirë


Të vdekurit bisedojnë për gjëra të vdekshme

Të fjeturit ëndrra dynjaje ëndërrojnë

Të gjallët strukur nga kjo botë e rrejshme

Me sytë e zemrës ahiretin e shikojnë


N`mes të vdekurish çdo ditë kohën kaloj

Dhe ëndërroj xhenetin e premtuar plot hyri

As i gjallë as i vdekur,por të gjallin e kërkoj

Tua kthej dritën e humbur të mbrendshmëve syve të mi


Share/Save/Bookmark Lexoje te plote...

Zot i madh


Xheladin HAMZA


Fjalët në fytin e tharë

Më mbetën pa i thënë...

Lumturinë e shpirtit

Ma vodhën ata

Të pashpirt...

Zot i Madh

Pash Madhërinë Tënde

Që ke Ti

Ndjenjat e mia shpirtërore

Vendosi në hapësirën Hyjnore

Bash aty ku engjëjt

pa ndërprerë TEKBIRIN zëshëm këndojnë...


Share/Save/Bookmark Lexoje te plote...

G J A R P Ë R I

>> Tuesday, February 05, 2008


SHEJH SA’ADI SHIRAZI
(1213-1293)



Kush
S’e mbyt
Gjarpërin,
Që i del
Përpara,
Ai asht
Armik i vetes.

Gurin n’dorë
Gjarpëri nën gur.

Është marrëzi
M'u vonuar
Pa e qëlluar....

Përktheu nga anglishtja:
Mexhid YVEJSI, Gjakovë


Share/Save/Bookmark Lexoje te plote...

EMRAT E BUKUR TE ALL-LLAHUT

>> Monday, February 04, 2008




EMRAT E BUKUR
TË ALL-LLAHUT


1. ALL-LLAH
(Zoti është Një)

All-llahu është Një,
S’ka zot tjetër përveç Tij.
Këtë të vërtetë secili njeri
Duhet ta kuptoj, duhet ta di.
Për me pasë dritë, ardhmëri.




2. ER-RAHMAN
( i Gjithëmëshirshë m)

All-llahu është Një,
S’ka zot tjetër përveç Tij.
Ai është Rrahman,
Gjithëmëshira e Tij,
Na vjen nga çdo anë.






3. ER-RAHIM
(Mëshirëplotë)

All-llahu është Një,
S’ka zot tjetër përveç Tij.
Ai është Mëshirëplotë, Rrahim,
Na solli Mëshira e Tij e plotë,
Ai na mbanë gjithëve në këtë botë.





4. EL MALIK
(Sundimtar)

All-llahu është Një,
S’ka zot tjetër përveç Tij.
Ai është Sundimtar, Malik,
Sundimit, Mbretërisë së Tij
Askush nuk mund t’i ik.











5. EL- KUDDUS
(i Pastërti)

All-llahu është Një,
S’ka zot tjetër përveç Tij.
Ai është i Pastër, Kuddus,
Pastërtia e Tij e Shkëlqyeshme,
Është kudo e pranishme.





6. ES-SELAM
(Paqëdhënësi)

All-llahu është Një,
S’ka zot tjetër përveç Tij.
Ai është Paqëdhënës, Selam,
Paqja buron prej Tij,
Ajo na sjell harmoni, siguri.












7. EL-MU’MIN
(Siguruesi)

All-llahu është Një,
S’ka zot tjetër përveç Tij.
Ai është Sigurues, Mu’min,
Siguria prej Tij fillon,
Kjo besimin na forcon.






8. EL- MUHEJMIN
( Mbizotëruesi)

All-llahu është Një,
S’ka zot tjetër përveç Tij.
Ai është Mbizotërues, Muhejmin,
Mbizotërues me saktësi,
Për çdo imtësi në gjithësi.















9. EL- AZIZ
(Fuqiploti)

All-llahu është Një,
S’ka zot tjetër përveç Tij.
Ai është Fuqiplot, Aziz,
Fuqinë e Tij e pranojnë
Edhe ata që e mohojnë.





10. EL-XHABBAR
(i Gjithëfuqishëm)

All-llahu është Një,
S’ka zot tjetër përveç Tij.
Ai është i Gjithëfuqishëm,
Krahasimi është i kotë
Kudo në Qiell apo në Tokë.










11. EL-MUTEKEBBIR
( i Madhëruar)

All-llahu është Një,
S’ka zot tjetër përveç Tij.
Ai është i Madhëruar,
Për Madhërinë e Tij
Në çdo krijim ka dëshmi.







12. EL-HALIK
(Krijues)

All-llahu është Një,
S’ka zot tjetër përveç Tij.
Ai është i vetmi Krijues,
Prej Tij çdo gjë nisë,
Rreth e rrotull Gjithësisë.






13. EL-BARIJ
(Fillues i mrekullueshëm)

All-llahu është Një,
S’ka zot tjetër përveç Tij.
Ai është Fillues i Mrekullueshëm,
Mrekullia e Tij shfaqet në çdo krijim,
Për këtë s’ka askush asnjë dyshim.






14. EL-MUSAVVIR
(Formëdhënësi)

All-llahu është Një,
S’ka zot tjetër përveç Tij.
Formëdhënës i çdo krijimi,
Çdo gjë që Ai formëson,
Mrekulli të gjithë i thonë.









15. EL-VEHHAB
(Dhurues i mirësive)

All-llahu është Një,
S’ka zot tjetët përveç Tij.
Ai është Dhurues i Mirësive,
Të gjitha dhuratat, mirësitë,
Përpara i kemi çdo ditë.








16. EL-GAFFAR
(Ai që falë shumë)

All-llahu është Një,
S’ka zot tjetër përveç Tij.
Ai është që falë pa kufi,
Sepse ka shumë dhëmbshuri,
Sepse ka shumë dashuri.










17. EL-KAHHAR
(Mbisunduesi)

All-llahu është Një,
S’ka zot tjetër përveç Tij.
Ai është Mbisundues,
Mbisundues i pa kufi,
Kudo që i thonë Gjithësi.






18. ER-REZAK
(Furnizuesi)

All-llahu është Një,
S’ka zot tjetër përveç Tij.
Ai është Furnizues,
Edhe atë që s’e meriton,
All-llahu atë e furnizon.











19. EL-FETTAH
(Zgjidhës i problemeve)

All-llahu është Një,
S’ka zot tjetër përveç Tij.
Ai është Zgjidhjedhënësi.
Zgjidhjedhënësi më i mirë,
Për çdo problem sado të vështirë.







20. EL-‘ALIM
(i Gjithëdijshmi)

All-llahu është Një,
S’ka zot tjetër përveç Tij.
Ai është i Gjithëditur,
Dituria e Tij s’ka kufi,
Duke përfshi çdo imtësi.











21. EL-KABID
( Shtrënguesi)

All-llahu është Një,
S’ka zot tjetër përveç Tij.
Ai është Shtrënguesi,
Shtrëngues për dobinë tonë,
Kur shtrëngon-na lehtëson.






22. EL-BASID
(Dhënës-ofrues)

All-llahu është Një,
S’ka tjetër zot përveç Tij.
Ai është dhënës-ofrues,
Vetëm Ai është dhënës-ofrues,
Për dështues- për meritues.









23. EL-HAFID
(Përulësi)

All-llahu është Një,
S’ka zot tjetër përveç Tij.
Ai është Përulësi,
Përulësi që të poshtëron,
Kur s’e pret as s’e mendon.





24. ER-RAFI’
(Lartësuesi)

All-llahu është Një,
S’ka zot tjetër përveç Tij.
Ai është Lartësuesi,
Lartësues që e lartëson,
Atë që Ai do, atë që e meriton.













25. EL-MU’IZZU
(Ngritësi)

All-llahu është Një,
S’ka zot tjetër përveç Tij.
Ai është Ngritësi,
Çdo njeri që Ai e ngritë,
S’ka fuqi tjetër që e zbritë.








26. EL-MUDHIL-L
(Nënshtruesi)

All-llahu është Një,
S’ka zot tjetër përveç Tij.
Ai është Nënshtrues,
Vetëm Ai ngritë, lartëson,
Vetëm Ai përul, nënshtron.








27. EL-SEMI’
(Dëgjuesi)

All-llahu është Një,
S’ka zot tjetër përveç Tij.
Ai është Dëgjues, Semi’
Vetëm Ai çdo gjë dëgjon,
Vetëm Atij asgjë s’i shpëton.







28. EL-BASIR
(Vështruesi)

All-llahu është Një,
S’ka zot tjetër përveç Tij.
Ai është Vështrues.
Vetëm Ai çdo gjë vështron,
Vështron Ai për t’mirën tonë.











29. EL-HAKEM
(Gjykuesi)

All-llahu është Një.
S’ka zot tjetër përveç Tij.
Ai është Gjykues, Hakem,
Vetëm Ai ka me na gjykuar,
Në këtë jetë-qysh kem’vepruar.






30. EL-‘ADL
(i Drejti)

All-llahu është Një,
S’ka zot tjetër përveç Tij.
Ai është shumë i Drejt,
Vepron ngadal, herë shpejt,
Për të gjithë i njëjtë, krejt.










31. EL-LATIF
( i Buti, i Miri)

All-llahu është Një,
S’ka zot tjetër përveç Tij.
Ai është i Butë, i Mirë,
Butësia dhe Mirësia e Tij,
E pranishme kudo në Gjithësi.






32. EL-HABIR
( i Gjithëinformuari)

All-llahu është Një,
S’ka zot tjetër përveç Tij.
Ai është i Gjithëinformuar,
Për çdo imtësi është i informuar,
Asgjë, kurrë, nuk i ka shpëtuar.











33. EL-HALIM
(Përdëllimtari)

All-llahu është Një,
S’ka zot tjetër përveç Tij.
Ai është shumë Përdëllimtar,
Çdo mëshirë, çdo dhembshuri,
Burimin e ka në Dashuri.






34. EL- ‘ADHIM
(Madhështori)


All-llahu është Një,
S’ka zot tjetët përveç Tij.
Ai është vërtet Madhështor,
Madhështia e Tij-kudo Madhërohet,
Ajo me asgjë s’mund të krahasohet.










35. EL-GAFUR
(Gjithëfalësi)

All-llahu është Një,
S’ka zot tjetër përveç Tij.
Ai është Gjithëfalësi, Gafur,
Të gjithë i falë, i mëshiron,
Edhe kur shejtani i mashtron.





36. ESH-SHEKUR
(Falënderuesi


All-llahu është Një,
S’ka zot tjetër përveç Tij.
Ai është Falënderues, Shekur,
Vetëm Atij i takon falënderimi,
Këtë duhet ta kuptojë njerëzimi.













37. EL-‘ALIJJ
(i Lartësuari)


All-llahu është Një,
S’ka zot tjetër përveç Tij.
Ai është i Lartësuar, ‘Alijj,
Lartësia e Tij na kujton
Sa e ulët është vetja jonë.







38. EL-KEBIR
(i Madhëruari)


All-llahu është Një,
S’ka zot tjetër përveç Tij.
Ai është i Madh, i Madhëruar,
Madhëria e Tij na kujton,
Se lutjet tona Ai i meriton.








39. EL-HAFIDH
(Ruajtësi)

All-llahu është Një,
S’ka zot tjetër përveç Tij.
Ai është Ruajtësi, Mbrojtësi,
I Botës, i Gjithësisë mbarë,
Sidomos për Kur’an e besimtarë.






40. EL-MUKIT
(Ushqyesi)

All-llahu është Një,
S’ka zot tjetër përveç Tij.
Ai është më i miri Ushqyes,
Ushqyesi me të gjitha bekimet,
Dëshmi janë të gjitha furnizimet.










41. EL-HASIB
(Llogarimarrë si)

All-llahu është Një,
S’ka zot tjetër përveç Tij.
Ai është Llogarimarrësi,
Mendo! Kur të dalim para Tij,
Të jemi në rregull me llogari.







42. EL-XHELIL
(Madhështori)

All-llahu është Një,
S’ka zot tjetët përveç Tij.
Ai është vërtet Madhështor,
Madhështia e Tij e Madhërishme,
Është gjithkund e pranishme.











43. EL-KERIM
(Fisniku-Bujari)

All-llahu është Një
S’ka zot tjetër përveç Tij.
Ai është më Fisniku-Bujari,
Fisnikëria dhe Bujaria e tij
Dëshmohet në përditshmëri.







44. ER-REKIB
(Vigjëluesi)

All-llahu është Një,
S’ka zot tjetër përveç Tij.
Ai është Vigjëlues, Rekib,
Çdo lëvizje e mbikqyr, e përcjell,
Lum ai që farë të mirë mbjell.










45. EL-MUXHIB
(Lutjepranuesi)

All-llahu është Një,
S’ka zot tjetër përveç Tij.
Ai është Lutjepranues, Muxhib,
Lutjet tona me vëmendje i dëgjon,
Por sipas qëllimit, nijetit, i pranon.





46. EL-VASI’
(Gjithëpërfshirë si)

All-llahu është Një,
S’ka zot tjetër përveç Tij.
Ai është Gjithëpërfshirë s, Vasi’,
Askund nuk gjen zbrazëti,
Është kudo Madhëria e Tij.












47. EL-HAKIM
(i Urti- i Gjithëdituri)

All-llahu është Një,
S’ka zot tjetër përveç Tij.
Ai është i Urtë, i Gjithëditur,
Urtësia, Gjithëdituria e Tij ,
Krijon gjithçka me përsosshmëri.







48. EL-VEDUD
(Plot-dashuri)

All-llahu është Një,
S’ka zot tjetër përveç Tij.
Ai është Vedud, Plot-Dashuri,
Me Dashuri çdo gjë ka krijuar,
Me Dashuri duhet besuar, vepruar.






49. EL-MEXHID
(i Lavduari)

All-llahu është Një,
S’ka zot tjetër përveç Tij.
Ai është Mexhid, i Lavduar,
I lavduar me fjalë, vepër e qëllim,
Derisa të kalojmë në amshim.







50. EL-BA’ITH
(Ringjallësi)

All-llahu është Një,
S’ka zot tjetër përveç Tij.
Ai është Ringjallësi i jetës,
Kjo e vërtetë sot vështirë pranohet,
Por është shumë lehtë të dëshmohet.











51. ESH-SHEHID
(Dëshmitari)

All-llahu është Një,
S’ka zot tjetër përveç Tij.
Në Ditën e Fundit, të Gjykimit,
Ai është Dëshmues, Dëshmitar
Për mohuesë, për besimtarë.






52. EL-HAKK
(i Vërteti)

All-llahu është Një,
S’ka zot tjetër përveç Tij.
Ai është Hakk, i Vërtetë.
Si n’këtë jetë, si n’atë jetë
Pa Hakk-un çdo gjë e shkretë.









53. EL-VEKIL
(Përkujdesësi)

All-llahu është Një,
S’ka zot tjetër përves Tij.
Ai është Përkujdesësi, Kujdestar.
Në veçanti për ata besimtarë.
Që janë t’udhëzuar n’rrugë të mbarë.








54. EL-KAVIJJ
(i Forti)

All-llahu është Një,
S’ka zot tjetët përveç Tij.
Ai është më i Forti, Kavijj,
Dëshmohet kjo cilësi e Tij,
Në çdo çast, rast, në Gjithësi.












55. EL-METIN
(Ekzistuesi- i Pathyeshmi)

All-llahu është Një,
S’ka zot tjetër përveç Tij.
Ai është gjithnji Ekzistues,
I Pathyeshëm për çdo mohues,
Ai në çdo kohë është fitues.








56. EL-VELIJJ
(Mbrojtësi)

All-llahu është Një,
S’ka zot tjetër përveç Tij.
Ai është Mbrojtës, Velij.
Ai është Mbrojtës i besimtarëve,
Ai është Mbrojtës i durimtarëve.






57. EL-HAMID
(Falënderuesi)

All-llahu është Një,
S’ka zot tjetër përveç Tij.
Ai është Hamid, Falënderues,
Për çdo gjë që ka krijuar
Vetëm Ai është i merituar.











58. EL-MUHSIJ
(Nismëtari)

All-llahu është Një,
S’ka zot tjetër përveç Tij.
Ai është Muhsijj, Nismëtari,
Çdo gjë e ka filluar i pari
Ai është Vetë dëshmitari.








59. EL-MUBDIJ
(Nismëtar’i krijimit)

All-llahu është Një,
S’ka zot tjetër përveç Tij.
Ai është Nismëtar’i krijimit,
Ai është Nismëtar’i zhvillimit,
Ai është Nismëtar’i përfundimit.






60. EL-MU’ID
(Rikrijuesi)

All-llahu është Një,
S’ka zot tjetët përveç Tij.
Ai është Rikrijues i Vërtetë,
Ai na ka krijuar n’këtë dynja
Na rikrijon n’ahiret-dyshim s’ka.










61. EL-MUMIT
(Jetëmarrësi)

All-llahu është Një,
S’ka zot tjetër përveç Tij.
Ai është Jetëmarrësi i vërtetë,
Sado m’u mundue, m’u përpjekë.
Nuk kemi shpëtim nga kjo jetë.










62. EL-HAJJ
(i Gjalli)

All-llahu është Një,
S’ka zot tjetër përveç Tij.
Ne të vdekshëm, Ai është i Gjallë,
Jetën të gjithëve na ka falë,
Ai përsëri ka me na ngjallë.












63. EL-KAJJUM
(i Përjetëshmi)

All-llahu është Një,
S’ka zot tjetër përveç Tij.
Ai, vetëm Ai, është i Përjetshëm,
Ne jemi të gjithë të përkohshëm
Sado me me qenë të devotshëm.





64. EL-VAXHID
(Kreatori)

All-llahu është Një,
S’ka tjetër përveç Tij.
Ai është Kreator, Krijues,
Krijues krejt origjinal
Kush s’beson është n’hall.






65. EL- MAXHID
(i Nderuari)

All-llahu është Një,
S’ka zot tjetët përveç Tij.
Ai është shumë i Nderuar,
Ai të gjithëve na ka krijuar,
Emri i Tij qoftë i lartësuar.









66. EL-VAHID
(Një, i Vetmi)

All-llahu është Një,
S’ka zot tjetër përveç Tij.
Ai është Një, i Vetmi,
Lum ai që Atë e beson,
Shpirtin e vet e shpëton.









67. ES-SAMED
(i Domosdoshmi)

All-llahu është Një,
S’ka tjetër përveç Tij.
Ai është i Domosdoshëm,
Për gjithë i nevojshëm,
Që t’jemi të devotshëm.






68. EL-KADIR
(i Fuqiqshmi)

All-llahu është Një,
S’ka zot tjetër përveç Tij.
Ai është i Fuqishëm, Kadir,
Ai çdo gjë vendos, cakton,
Fuqia e Tij këtë e garanton.










69. EL-MUKTEDIR
(i Gjithëmundshmi)

All-llahu është Një,
S’ka zot tjetër përveq Tij.
Ai është i Gjithëmundshëm,
Ai ka mundësi pa kufi
Si në Tokë, si në Gjithësi.







70. EL-MUKADDIM
( Lartësuesi)

All-llahu është Një,
S’ka zot tjetër përveç Tij.
Ai është i vetmi Lartësues,
Vetëm Ai të lartëson,
Vetëm Ai të përparon.











71. EL-MUEHHIR
(Poshtëruesi)

All-llahu është Një,
S’ka zot tjetër përveç Tij.
Ai është i vetmi Poshtërues,
Për të gjithë kush janë mohues,
Për të gjithë kush janë rrënues.






72. EL-EVVEL
(i Pari)

All-llahu është Një,
S’ka zot tjetër përveç Tij.
Ai gjithmon ishte i Pari,
Kur asgjë s’kishte në Gjithësi,
Kudo ishte Nuri-Drita e Tij.










73. EL-AHIR
(i Fundit)

All-llahu është Një,
S’ka zot tjetër përveç Tij.
Ai i Fundit ka me mbetë,
Kur të përfundon kjo jetë
Kur asgjë më nuk do t’ketë.






74. EDH-DHAHIR
(i Dukshmi)

All-llahu është Një,
S’ka zot tjetër përveç Tij.
Ai është i Dukshëm kudo,
I verbëri s’mund t’a shoh,
Besimtari mund t’a njoh.













75. EL-BATIN
(i Padukshmi)

All-llahu është Një,
S’ka zot tjetër përveç Tij.
Ai është i Padukshëm vërtetë
I Padukshëm për sytë tonë,
Por e sheh zemra, shpirti jonë.






76. EL-VALIJ
(Udhëheqësi)

All-llahu është Një,
S’ka zot tjetër përveç Tij.
Ai është Udhëheqës’i jetës,
Ai është Udhëzues i s’Vërtetës,
Ai është Udhërrëfyes i s’drejtës.









77. EL-MUTE’ALIJ
(i Gjithëlartësuari)

All-llahu është Një,
S’ka zot tjetër përveç Tij.
Ai është i Gjithëlartësuar,
Me asgjë askund i kufizuar,
Me asgjë për t’u krahasuar.







78. EL-BERR
(Bamirësi)

All-llahu është Një,
S’ka zot tjetër përveç Tij.
Ai është shumë Bamirës,
Bamirësia e Tij s’ka kufi,
Për çdo krijesë në gjithësi.










79 ET-TEVVAB
(Pendimpranuesi)


All-llahu është Një,
S’ka zot tjetër përveç Tij.
Ai është Pendimpranues,
Pranon pendimin e mohuesve,
Pranon pendimin e ngatërruesve.






80. EL-MUNTEKIM
(Ndëshkuesi)

All-llahu është Një,
S’ka zot tjetër përveç Tij.
Ai është shumë Ndëshkues,
Për të gjithë fe-mohuesit,
Për të gjithë shkatërruesit.







81. EL-AFUVV
(Mëkatfalësi)

All-llahu është Një,
S’ka zot tjetër përveç Tij.
Ai është Mëkatfalës.
Falë mëkatet e penduesve,
Falë mëkatët e përmirësuesve.








82. ER-REUF
(i Dhembshuri)

All-llahu është Një,
S’ka zot tjetër përveç Tij.
Ai ka shumë Dhembshuri,
Ai ka shumë ndieshmëri,
Për çdo krijesë të Tij.














83. MALIKU-L-MULK
(Mbretërues-mbajtë si)

All-llahu është Një,
S’ka zot tjetër përveç Tij.
Ai është Mbretërues i vërtetë,
Ai Vetëm Ai është që mbretëron,
Ai Vetëm Ai është çdo gjë sundon.








84. DHUL XHELALI VEL IKRAM
(Atij i takon mëshira dhe nderi)

All-llahu është Një,
S’ka zot tjetër përveç Tij.
Atij i takon Mëshira dhe Nderi,
Ai çdo gjë çiftë e ka krijuar,
Në këtë jetë për t’na sprovuar.











85. EL-MUKSIT
(Drejtësi-dhënë si)

All-llahu është Një,
S’ka zot tjetër përveç Tij.
Ai është Drejtësi-dhënës,
Ai drejtësi prej nesh kërkon,
Drejtësia neve do t’na shpëton.








86. EL-XHAMI’
(Tubuesi)

All-llahu është Një,
S’ka zot tjetër përveç Tij.
Ai është i vetmi Tubues,
Atë ditë kur Ai do t’na tubon,
Mëkatarët do t’ thonë: Amon!





87. EL-GANIJ
(i Pasuri)

All-llahu është Një,
S’ka zot tjetër përveç Tij.
Ai është më i Pasuri,
Ai për askend s’ka nevojë
Kush ka mend le ta kuptojë.






88. EL-MUGNI
(Pasuridhënësi)

All-llahu është Një,
S’ka zot tjetët përveç Tij.
Ai është Pasuridhënës,
Vetëm Ai dhuron pasuri,
Përse krenohesh o njeri?












89. EL-MANI’
(Privuesi)

All-llahu është Një,
S’ka zot tjetët përveç Tij.
Ai është i vetmi Privues,
Ai nga kotësirat na privon,
Sepse janë për t’mirën tonë.






90. ED-DAR
(Krijues i së keqes)

All-llahu është Një,
S’ka zot tjetër përveçTij.
Ai është Krijues i së keqes,
Ai të keqen e ka krijuar,
Veç si shembull të shëmtuar.










91. EN-NAFI’
(Krijues së mirës)


All-llahu është Një,
S’ka zot tjetër përveç Tij.
Ai është Krijues i së mirës,
Ai të mirën e ka krijuar,
Shembull për të vepruar.






92. EN-NUR
(Dritë)

All-llahu është Një,
S’ka zot tjetër përveç Tij.
Ai është krejt Nur-Dritë.
Dritë prej errësirave na shpëton,
Mendjen, zemrën dhe shpirtin tonë.











93. EL-HADI
(Udhëzuesi)

All-llahu është Një,
S’ka zot tjetër përveç Tij.
Ai është Udhëzues’i Vërtetë,
Na udhëzon drejt s’Vërtetës,
Na udhëzon n’udhëkryqe t’jetës.






94. EL- BEDI’
(Shpikësi)

All-llahu është Një,
S’ka zot tjetër përveç Tij.
Ai është Shpikës’i Vërtetë
Ai shpikë-njerëzit zbulojnë.
Zbuluesit këtë e dëshmojnë.








95. EL-BAKI
(i Përhershmi)


All-llahu është Një,
S’ka zot tjetër përveç Tij.
Ai është i Vetmi i Përhershëm.
I Përhershmi të gjithëve na kujton
Këtu në tokë - përkoshmërinë tonë.






96. EL-VARITH
(Trashëguesi)

All-llahu është Një,
S’ka zot tjetër përveç Tij.
Ai është i Vetmi Trashëgues,
Ai Vetëm Ai çdo gjë trashëgon
Ai Vetëm Ai çdo gjë posedon.










97. ER-RESHID
(Drejtuesi)


All-llahu është Një,
S’ka zot tjetër përveç Tij.
Ai vetem Ai është Drejtues.
Ai Vetëm Ai çdo gjë drejton,
Ai drejton për t’mirën tonë.






98. ESH-SHEHID
(Vështruesi)

All-llahu është Një,
S’ka zot tjetër përveç Tij.
Ai është për çdo gjë Vështrues,
Vështruesi me lehtësi na vështron,
Vështrimi i Tij jetën tonë na lehtëson.









99. ES-SABUR
(Durimtari)

All-llahu është Një,
S’ka zot tjetër përveç Tij.
Ai është shumë Durimtar,
Nuk nxitohet për mëkatarë:
U jep kohë të pendohen,
U jep rastin të edukohen,
Me qëllim të përmirsohen.

Mexhid YVEJSI, Gjakovë


Share/Save/Bookmark Lexoje te plote...

Video rasti:

  © Blogger template Simple n' Sweet by Ourblogtemplates.com 2009

Back to TOP