O NJERI…

>> Tuesday, January 26, 2010


Neki Musliu

O njeri!A s’je ty krijesa...!
...që kur gdhive i gjallë...!
A s’je ty,që në jetë erdhe,
nga dy trupa të pa jetë... vallë?

O njeri,a s’je ty që nga,
fara dhe toka e pa jetë?
Të gjallë,me frymë,me dritë në sy,
kjo botë, kështu a s’të gjetë?

O njeri, ty nga balta a s’u krijove?
Ç’është pra tani ky dyshim?
A s’është Allahu dhuruesi
I madhi,I dijshëmi,Vasiun Alim!

Të injorosh faktin se ky trup i dukshëm
që tu falë tok me emërin njeri,
Ekziston pa ekzistencën e Allahut,
A s’është kjo një provë për verbëri!

Kujto kur koha të ik, dhe jeta t’braktis,
Kujdes! Tek veshi yt i shurdhur dëgjon!
Nga balta e vdekur,një tufë fjalësh
një zhurmë e vogël në vesh të mërmëron.

_Ty u krijove nga balta dhe ja sërish
në mua po kthehesh,kur koha skadon
O njeri,kështu flet varri.Dhe thotë:Ja tani po të gëlltis!
...ja,dhe trupin ta pushton...!

Kryelartësia të mbetet në libërin e mëkateve,
u fshi nga historia e botës madje...
Foli varri,një gojë kjo e tokës,
që të gëlltit,dhe prap të bënë dhe!

O njeri,shiqo nëpër mure e shtëpi,
në kalaja e mbretëri,në pallate e çati...
Mbi pullaze e qerpiq,në fusha mbi barë,
Vështro në lulet erëmisk dhe sakësi

O njeri,ty vdiqe!Tani shihë se si trashëgimtari yt
ndërton me baltën tënde këtë botë!
Shihë!Dhe pastaj folë për ekëzistencën,
Ku vete njerëzorja,ç’u bë me të sot?

Dhe i gjallë sa ishe,a s’tu tha?A s’u njohe dot!
Kjo baltë që ty prekeje ishte fara jotë,
Ty sot vdiqe,nesër kjo baltë do të gdhij
Një qerpiqe mbi ndonjë kasolle a shtëpi!

A një vazo balte,me një lule selvi
Një shtresë dheu,ku fara do mbij
Nga stera e zesë,një cop jetë
Dhe pluhur kur t’bëhesh,e gjall do gdhij

Në ditën e ahiretit,kjo shtres e derdhur,
Kjo baltë e cunguar,e ktij dheu të vrazhd
Ky pluhur i humbur,anësh pa gjurmë,
Njerëzoren ta ruan,këtë irnek të lashtë

Të injorosh faktin se ky trup i dukshëm
që tu falë tok me emërin njeri,
Ekzistoj pa ekzistencën e Allahut,
është veç një provë për marëzi!

O njeri, ty nga balta pra u krijove?
Flake tani më çdo dyshim?
Dije All-llahu është Krijuesi yt
I Madhi, I Dijshëmi, Vasiun Alim!


Share/Save/Bookmark Lexoje te plote...

Këto fjalë dëgjoni


Drilon Buci

O ju njerëz po gaboni
se të fjalën e drejt nuk po e dëgjoni,
shumë po e gënjeni vetveten
kur po e mohoni të vërtetën.

Fjala e drejt është si kolone dhe nuk shkundet
asnjë gjëje nuk i përkulet,
pot valëvitët si flamuri n shtizë
del gjithmonë në shesh të drejtësisë .

Kur të vërtetën po e kundërshtojmë
asgjë nuk po fitojmë ,
pra le të na prij e vërteta
që mbarë të na ecën jeta .

Se Kurani është plot me dije
lajme që vijnë nga Krijuesi i kësaj gjithësie,
dije kjo që ta zgjat jetën
të mëson shkencën dhe të vërtetën.

Me mendjemadhësi asgjë nuk mund të arrijmë
vetëm vetën e dëmtojmë,
të jemi të gjithë me një mendim
që nga Zoti të zbret shpëtim


Share/Save/Bookmark Lexoje te plote...

Fytyra e idealit tim

>> Monday, January 25, 2010



Nuk e kisha pritur
Ashtu herët në agim
Asaj dite krejt pranverore
Aq egër të më zgjohej vixhdani im

Mbase pse ishte tepruar
Ndoshta dhe pse kishte arritur fundin në abstragim
Te çdo gjë konkrete atë ditë po ndaloja
Mos gjeja fytyrën e idealit tim

Ndaloja dhe pa e gjetur kurrsesi
E kapërceja me fyerje e zhgënjim
Më lindi idea që ndoshta të mos jetë askund
Të ketë qenë hiçgjë dhe mashtrim

Udhës ndalova të pushoja
Ndonësese largohesha nga i njëjti mision
Të paktën nga gjërat konkrete tashmë kisha hequr dorë
Kisha kuptuar se kërkimi në to ishte veç iluzion

Kërkimi më zë në orë mësimi
Dhe për reaksion shpirti e pa vetëdije
Si barrën dikujt i heq nga dora një nxënësi
Librin që mbante motive Shqipërie

Në çast kuptova ç'kisha pasur atë ditë
Gjeta fillin e atyre ndjenjave pa kuptim
Ka qëlluar ditë e njëjtë krejt e tillë
Si dita kur shqipërinë për ideal e mori shpirti im

Shpejt, si largim nga mëkati, librin ia kthej
Më vjen tjetër interpretim
Ndoshta ndoshta gjithçka ishte shenjë
Se ka nis të celë pranvera e fytyrës së idealit tim

Ilmi REXHEPI


Share/Save/Bookmark Lexoje te plote...

Islami dhe veprat e tija

Drilon Buci

Hapni veshët dhe dëgjoni me zemër ,
Për Islamin Allahu ka ber emër ,
Ka bë emër të gjithë që janë mysliman
Allahun ta besojnë tamam .

Sepse Ai është Krijues gjithësisë
Ka lëne të kuptoje në histori të njerëzisë,
çdo historian apo shkencëtar
që Kuranin e ka lexuar ne te kaluarën
dele se ka gabuar .

Çdo njeriu kur ti jepet rasti
do të dëshmoj se Allahu është me i Madhi ,
Që të flasësh gjithmonë për të mirën
Duhet te përballeshe së pari më të vështirën .
Çdo shenje e Tij po kuptohet dhe islami po lartësohet,
Sepse është fe hyjnore , Allahu vet e flete këtë gjë .
Që të njohësh gjithmonë Madhështinë e Allahut dhe Islamin
Duhet lexosh gjithmonë Kuranin


Share/Save/Bookmark Lexoje te plote...

Islami kudo dritë

>> Sunday, January 24, 2010

Drilon Buci

Është diçka që s’mund ti veshe emër ,
Si fe te dejtë islamin e ndjenë në zemër,
Sepse Islami është dritë dhe shpresë që e fali Zoti ,
Gjithë këto te mira ta zbatoje robi ,
Është një thesar me shume dobi
Zoti bëri ligje dhe drejtësi .

Gjithë njerëzit që do vijnë dhe ta kuptojnë
me një marramendje do e pranojnë,
Ka pas si juve o jobesimtare njerëz te shkolluare dhe shkencëtare ,
Se nuk ka Zote kësaj ata thanë
Por në fund dolën se gabuan
E për juve jobesimtare mos besoni ne idhujtarë dhe ne tempuj
pore këto gjera merrni për shembuj
Merrni shembuj dhe keni logjik
sepse Zoti do tu ndëshkojë një dite .


Share/Save/Bookmark Lexoje te plote...

Mëshira

>> Friday, January 22, 2010



Shumë njerëz kanë kaluar
jo tokë i ka përbirë
Të gjithë ne së bashku
Për ta kërkojmë mëshirë

Edhe ne do të gabojmë
Vetëm prej Zotit mëshirë kërkojmë
Sikur i vogëli që mëshirë kërkon
Dhe i madhi e mëshiron

Vetëm Zoti na ndihmoftë
Prej shejtanit na mbroftë
Pendimin na e pranoftë
Prej zjarrit të Xhehennemit na largoftë

Të lutemi o Mëshirues
Që të na mëshirosh
Se njeriu është harrues
Për të mirat që ja ke dhënë

Zeqir ESATI


Share/Save/Bookmark Lexoje te plote...

Orientimi

>> Thursday, January 21, 2010


Kur të mbes tregim, më tregoni drejtë
Thoni: lindi, rroi, iku me të shpejtë
Bota e gllabëroi si të gjithë më parë
E humbi në vete, nuk e la n’të mbarë
Stinët që të katra e shpërbën me radhë
I’a ngrysën fytyrën që kishte, të bardhë
E munduan fort sikur q’do të tretin
Dhe në fund ja shkelën dinjitetin.

Argjend XHELILI


Share/Save/Bookmark Lexoje te plote...

Meditime të pafundme

>> Wednesday, January 20, 2010


Hevzi ZEQIRI

Nga mërzia e thellë mistike,
Në mendimet e thella të kosmosit,
Lirohet shpirti i të pafatit.

Shkëputja maramendase nga dëshira për jetë,
E bën njeriun të ndjehet i vetëm,
I këputur, pa konkurencë.

Nga pafuqia e shpirtit të lodhur,
Në meditimet e pafundme për fuqinë e krahut,
Ndjehesh si Hekstori, i hekurt.

Nga lodhja
Në çmenduri,
Pa mos e kërkuar ndihmën e Të Madhit.


Share/Save/Bookmark Lexoje te plote...

Kuptimi i jetës

>> Tuesday, January 19, 2010



Kuptime ka jeta
para nesh jetojnë
disa që i shohim
dhe të tjera që na kalojnë

Jeta ka kuptime
si gaca veprojnë
disa që na ngrohin
dhe të tjera që na përvélojnë

Na zbërthe o Zot
shenjat që na con
na ndrico atë rrugë
që ne na shpëton

Té mirën pë të mirë
té keqen për të keqe
na i dallo kështu o Zot
gjërat e kësaj jete

Kuptime ka jeta
para nesh jetojné,
disa që i shohim
dhe të tjera që na kalojnë

Jeta ka kuptime
si gaca veprojnë
disa që na ngrohin
dhe të tjera që na përvélojnë

Na zbërthe o Zot
shenjat që na con
na ndrico atë rrugë
që ne na shpëton

Té mirën për të mirë
té keqen për të keqe
na i dallo o Zot késhtu
gjërat e kësaj jete

Ilmi Rexhepi


Share/Save/Bookmark Lexoje te plote...

TË PREMTEN NUK VIJ!

>> Monday, January 18, 2010


Fatmir MUJA

E di se nuk u pëlqeu heshtja ime asnjëherë
Por nëse ndonjëherë thashë fjalë të mira
Ato i mësova në heshtje.
Ndonjëherë të gjithëve mund të na mungojnë fjalët
Por asnjëherë nuk mungon e vërteta që thuhet me to
Sepse ne jemi vetë Fjala.

E di se do të më prisni në takimin e përjavshëm
Por kjo javë për mua s’do t’i ketë shtatë ditë
Prandaj, në vend se t’ju përgjigjem më duhet t’ju pyes:
A ka fuqi lamtumira ta ndajë zemrën nga zemra?
A ka fuqi syri ta mbajë lotin brenda?
A ka fuqi balli të ndahet nga sexhdja?
A kanë fuqi fjalët të thonë më shumë se heshtja?

Po shkoj sepse edhe unë jam si ju, kam ardhur për të shkuar
U nisa si lumi në det që nuk i kthehet më shtratit të vet
Paj shtrati asnjëherë nuk ka qenë i lumit
Por lumi ka qenë i shtratit për aq kohë sa ka kaluar në të
Prandaj, kësaj here po ju përgjigjem pa më pyetur
Se të premten nuk vij.

Të gjitha dhimbjet e botës
Nuk mund t’i durojë një zemër
Por të gjitha zemrat në botë
Mund t’i durojnë dhimbjet e veta
Sepse, secila zemër ka dhimbje aq sa ka fuqi
E si mund ta dijë sa ka fuqi një zemër që nuk dhemb?

Ashtu siç mblidhen e zbriten, pjestohen e shumëzohen
Kushedi sa numra për ta nxjerr një numër
M’u desh t’i them kushedi sa fjalë
Për ta nxjerr një fjalë të vetme
Dhe këtë fjalë të vetme si amanet ta mbani:
Nuk duhet minarja kur mungon ezani.


Share/Save/Bookmark Lexoje te plote...

Dashuria ndaj Resulullahut

>> Sunday, January 17, 2010

Mevlan Avdili

Erdh Resuli në këtë jetë
Në mes maleve në shkretëtirë
E gjithë bota u ndriçua
Po edhe injoranca u largua

Ai quhej i lavdëruar
Në Inxhil dhe Tevrat i paralajmëruar
Nga gjyshi plak i emëruar
Mëshirë prej Zotit i lëshuar


Share/Save/Bookmark Lexoje te plote...

Dimni

Valbon Rushiti

Si nga dora e nga harku
Prej kaçube për të dalë
Fjollat vinë prej së largu
Sytë e borës shihen në mal
Bora mbuloi gjithë tokën
Në kulmin e shtëpisë kat-kat
Janë gëzuar të gjithë shokët
Që këtë dimër kanë shumë fat
Fëmijët u magjepsën nga bukuria
Filluan të lozin pa përtim
Meqë u shtua begatia do të kemi shumë gëzim


Share/Save/Bookmark Lexoje te plote...

Fatëkeqësia

>> Saturday, January 16, 2010


Amir Idrizi

Fatëkeqësia e madhe do të ndodhë në këtë botë
me sprovime të ndtyshme:Ai do të na sprovoj .
Sprovimet do të vinë kurrë pa pritur,
Me durimin tënd do të jeshë i shpërblyer.

Allahu na krijoi prej balte,
në baltë do të kthehemi,
askujtë kjo botë nuk do ti mbetë.


Share/Save/Bookmark Lexoje te plote...

Ahireti

>> Thursday, January 14, 2010

Amir IDRIZI

Ahireti vllezër të dashur është jeta në amshim,
Ku secili prej nesh do ta përjetojë këtë ndodhi.

Ahireti është jeta pas vdekjes ku njeriu jetën në amshim e përjeton,
Cdo të mira në atë botë e ka .

Në ahiret cdo njeri do ta kalojë Siratin ,aty do të jenë të gjithë njerëzit ,
Duke pritur dhe disa me fytyra te zbardhura dhe të nxira se cfarë fati e ka.

Do të kalojë mbi këtë urë ,vallë ku njeriu në cilën anën do të jetë,
Nga cila anë do të jetë nuk dihet.
Nga ana e djathtë janë njerëzit faqe bardhë ku secili do ta takojë
Ibrahimin a.s.

Nga ana e majtë janë njerëz me halle ku secili prej neshë ka mu taku me Muhamedin a.s

Nga secila anë përplotë njerëz duke pritur për fatin tëndë .

Ahireti eshte jeta në amshim ,ku secili prej nesh do të takojë të afërmit e tij.


Share/Save/Bookmark Lexoje te plote...

Poemë e tiranisë njerëzore


Roald HYSA

Nën gërmadha shkrumbi vendi im psherëtin,

Me injorancë Zotit llogari i kërkon,

Dhe harron se vetes fajin ia përtërin:

Ne jemi engjëj, nuk jemi demonë!




Ndër zhgrapje pallatesh që ngrihen gjer te retë,

Pa ditur se çfarë, gjërat i lakmon!

Këndon refrenin q’e ka gatitur vetë:

Ne jemi engjëj, nuk jemi demonë!




Pa del robina dhe lind zonjën e vetë,

Në pelena dhimbjesh fëmijën e shtron;

Dhe kujton e shkreta se ka veç kët’ jetë:

Ne jemi engjëj, nuk jemi demonë!




Dhe n’çorbën që e ka gatuar vetë,

Të gjithë njerëzinë ai e fton.

Kujton i ziu se bën diçka të shenjtë:

Ne jemi engjëj, nuk jemi demonë!




Kur nga hiçi, del ndonjëri porsi profet;

Duke marrë poza si buf edhe harron,

Se i pazoti është për ato që flet:

Ne jemi engjëj, nuk jemi demonë!




I vetëm, i truar ndihet nga kjo botë,

Një mori telashesh vetes po ia shton!

Për atë që s’duhet nga sytë nxjerr lotë:

Ne jemi engjëj, nuk jemi demonë!




E kur ta shihni se është shkatërruar krejt...

Ah, sa keq, si u kujtuam shumë vonë?!...

Sikur ta kishim ditur paksa më shpejt:

Ne nuk jemi engjëj, por as demonë!




E kështu kjo gjë deri në pafundësi,

Pa pra’ ecën, në rrugën e saj vazhdon,

Dhe përsërisin ata me paturpësi:

Ne jemi engjëj, nuk jemi demonë!




Më falni, por ky refren përsëritet vetë!

Nga goja e njerëzve shpesh e dëgjon.

Jo unë, ata e thonë pa të drejtë:

Që janë engjëj dhe nuk janë demonë?


Share/Save/Bookmark Lexoje te plote...

Bie në natë

>> Wednesday, January 13, 2010

Saimir Lleshi

Sa herë bie në natë
Ti befas vjen e mi ndez lumenjtë e dashurisë
Qëndron e heshtur
Në monologun tënd historik
Unë të flas
E dehen kur të shoh sytë poetik
Kur lundron qetë
Në dallgët e trazuara të shpirtit tim
Koha vdes!
Ti mbetesh aty si orë pa numra
Mi rigjeneron kujtimet
Mi freskon ndjesitë
E atëherë ndjej sekretin tënd
që duket se jeton në amshim
Nuk e di a je drita që më përpëlit në atë errësirë?!
A je koha që më mbush zbrazëtinë në shpirt?
.................
Bie në natë!
Të pushtuar kam botën time të fantazisë
Dremit në atë liqen të pa shpresë
që mbushet nga lumenjtë e gjoksit tim
Ç’stacion të solli?
Apo unë mora trenin e marrëzisë?!
E nisëm atë udhëtim heronjsh
E ku bitisëm tashmë s’dua ta di!
Ti vjen aq lehtë
Siç rrezet hëna lëshon mbi çati
Me gaz më mbush me gaz në atë muzikë të amshuar
Nuk ndihem vetëm kur të mendoj ty
Je pulsi i damarëve
Je ajri i bekuar
Mbase e gjithë kjo është mirësi
që në skuta jete, Zoti na e pat rezervuar
Kur të të mendoj të mbushem me gëzim
E kur të më mungosh ta di se ç’është vuajtja
Vrapoj nëpër kohë gjithmonë me ty
Mbase në ato trotuare e vetme je duke shkuar
Ti s’mundesh ta thuash
Unë s’mundem ta them
Sa herë zgjohem e bie në natë je mendimi për mua


Share/Save/Bookmark Lexoje te plote...

Afër lumit Vardar (5)

>> Tuesday, January 12, 2010

Hamdi Nuhiju

Mendimi për ty
Rrjedh, vazhdon
Nën hijen e vargut tënd…

Bota e oreksit
Mbi gërmadhat e dashurisë
Fashitë kodeksin etik….

Histori dashurish
Nën nëndijen time
Mbi lumin Vardar…


Share/Save/Bookmark Lexoje te plote...

NJË GOTË ME UJË TË BEKUR

Xheladin Hamza
Një gotë me ujë të bekuar
Ma jep or miku im
Dua ta shuaj etjen
E jetës në ikje
T’i lagi buzë të qara
E vdekjen ta arnoj me të...
Tek gabzherri ulur
Vdekja e bardhë
Durueshëm pret
Shpirtin të dal më lehtë...
Një gotë ujë të bekuar
Sall edhe një pikë ujë
Bënë rahmet
Se s’bënë mëkat
Or miku im!


Share/Save/Bookmark Lexoje te plote...

Asfalti

>> Monday, January 11, 2010

Hevzi Zeqiri

Mbi asfaltin e gjymtë
Të coptuar si mos më keq,
Të çarë e me gropa,
Këmbë e rrotë e shumëkujt ec.

Vijat e ftohta që shtrihen mbi të
Se ç’ kanë një modesti që kund se gjen,
Të plota a të ndara, ç’ rëndësi ka?
Kushdo që i shkelë nuk bën zë.

Ai dhe ata, rrinë kokë ulur,
Mbi shpindë mbajnë gjithë çka munden.
I pari a i dyti shkelës, rëndësi nuk ka.
Veçse rregulli ka për t’u kthyer,
E jo vetëm si rregull për t’u parë.

I shkreti asfalt,
I rrethuar me trotuar.
I zbukuruar me motrat e tij, vijëzat bujare.
I bërë nga njeriu,
Njeriut i jep ligjëratë.


Share/Save/Bookmark Lexoje te plote...

Po t’i kthej petalet

>> Sunday, January 10, 2010


Po t’i kthej petalet
Me të cilat, thura kurorën e secilës mbrëmje
Le të mbretërojë mbrëmja
Kurorëzuar me qiell të athët yjesh
Se nuk është e thënë
Që mbretëritë të jenë pranverore
Një vjeshtë i takon çdo dinastie

Po t’i kthej petalet
Me të cilat, çdo muzg e ngjyrova
Dhe gjakut tim i dhashë bojë
Që të shuajë etjen e secilit trëndafil
Etjen për bojë të kuqe gjak

Po t’i kthej petalet
Me të cilat, secilës erë i këndova këngën e saj
Që të mos ma dinë për nder
Se unë këtë munda t’u kthej
Frymëve të saj të shkathta

Po t’i kthej petalet
Sot gurët rëndojnë më lehtë
Se gjithnjë ujë shiu kam pirë
Kam njomur damarët me të
Ashtu, pa ngjyrë, pa aromë, pa fëshfërimë

Po t’i kthej petalet, trëndafil!

Vehap S. Kola


Share/Save/Bookmark Lexoje te plote...

Heshtje

>> Monday, January 04, 2010

Mbi dallgë mashtrimi
Valigje shkëmbi
Varre pa njeri
Flokë nuhatje
Fantazmë pa hijeshi
Dashuri pa ngjyrë
Pa meremetim fjalësh


Sejhane MEHMETI


Share/Save/Bookmark Lexoje te plote...

Mendo drejt

>> Sunday, January 03, 2010



Në rrugën që je nisur, po shpejton shumë shpejt
Ndaj pak kohë për vetën ulu dhe mendo drejt
Nga erdha, ku isha dhe për ku je drejtuar
Nuk është e kotë për të medituar.

Asgjë të duket vetja, vetëm kënaqësia të ekzistojë
Por, kjo ëndërr e trishtuar shpejt do të përfundojë.
Nefsin tënd në dorë të kujt e lëshove
Me hilet e shejtanit në rrugën e mëkatit përfundove.

Moderniteti, paraja thua jeta i ka këto bukuri
E nuk është e bukur nga ajo që ske dobi
Se të mashtrojnë e shpejt përfundojnë
Andaj nuk është lumturia lojë që ti mendon.

Mendo drejt dhe kërko arsyetim
Kjo jetë është e shkurtër e vdekja është vetëm fillim.
Do të jesh në varr
Ske dobi nga dituria për famë e pasuri
E kthim mbrapa nuk ka por vetëm llogari.

Po të ftoj në rrugën e pendimit
Që të kuptosh qëllimin e krjimit
Se bota përtej varrit është shpërblim ose dënim
E jeta e kësaj bote nuk është tjetër vetëm mashtrim.


Share/Save/Bookmark Lexoje te plote...

Solum Victum

>> Saturday, January 02, 2010

Sado që hesht
Tash s’e dëgjoj aq qashtër
Gurgullimën tënde në damarët e mi
Horizonti është bulëzuar
Si një qelq i ngrohur janari
Dëborë s’ka
Por gjurmët janë të shqueshme lehtë
Si lumenj që rrjedhin para meje
Si zogj plot bojë perëndimi
Ku ngjyej penelin e autoportretit
Mbaj vesh uturimën e erës
Mbi drurët e ngrirë kallkan
Është kujë vetmie mbi idhnimin e pyjeve
Siç njerëzit qajnë të vdekurit e tyre
Dhe do të hesht
Se dashuria më është për çfarë jam
Jo për gjurmimin e lumenjve të huaj
Se s’ka diell të ndjekë udhët e tjetrit
Në të tyren janë diej të pamposhtur

Vehap S. Kola


Share/Save/Bookmark Lexoje te plote...
There was an error in this gadget
There was an error in this gadget

Video rasti:

  © Blogger template Simple n' Sweet by Ourblogtemplates.com 2009

Back to TOP