Natar

>> Thursday, December 31, 2009

Më bartni
Mbi pëllëmbën e butë të erës
Që me avullin tim të laget
Goja e mpakur e harrimit
Dhe në sy përvëlues
T’i vë zjarrin hënëzave të humbura
Në tymnajën që na mban kaq larg

Në barkun e dendur të erës
Fletë – notoj me hap të ngathur
Poshtë meje
Bota fle e gënjyer nga qen besnikë
Mbi mua rëndon e gjatë rruga
Si një litar i pafund mundimi

Qytetin – mbështjellë nën sqetull
Dremit dhe frymënxjerr
Si një varkë e plagosur dallgësh
Qyteti me lëkurë të ashpër
Nga grafititë kokëforta të klithmave
Mesnatave të vjedhura të tij

I fundit ik nga ëndrra
Si një mbret i gënjyer nga shkëlqimi i fronit
Mund ta quani pushtim
Siç pagëzoni bijtë tuaj më emra toke
Ku treten etërit
Në pritje tonën
Siç presin qirinjtë agimin të shkrepëtijë

Vehap S. Kola


Share/Save/Bookmark Lexoje te plote...

Somnambul i dyanshem

>> Sunday, December 27, 2009


Erduan Kllobucishta

Dhe lotet rrjedhin vale-vale,
Ne enderr apo ne gjumin e trashe?!
Stagnim ne ekzistence virtuale,
Progres ne flatrat ankthioze!
Nje femije ne mesin e nates
Rrokulliset ketej andej
Ku po shkon, as vet ai nuk e di
I rrethuar nga erresira ne vete
I rrethuar nga erresira jashte tij
Erresira eshte e bukur per ate qe do erresire
Somnambul i vetmuar…
Hap syte nga pergjumja e thelle!
Ah, kam... kam harruar se cfare kam pare
Ishte nate…
Nje episode i thelle, i pameshirshem
Shmang erresiren, nuk ka cfare te duhet ajo…
Mos u bej si filozofet ashik qe shajne shoqerine
Nihilista, mohues te determinizmit...
pragmatiste te korruptuar...
formojne dialektizem ne meshire te fatit...
Gjejne te verteten per te mbjell injorancen
Sepse injoranca dhe e verteta jane dy boshte te pafunshmerise
Fal ketyre dyve qe filozofet kane ekzistuar dhe ekzistojne!


Share/Save/Bookmark Lexoje te plote...

Familja e shëndoshë – garancë e së ardhmes

>> Sunday, December 20, 2009



Një fije drite, e can një llumë me errësirë


I jep pakës jëtë, i jep pakës gjallëri

E ai llum errësire, fillon me u ndriçu

Nga ajo pak dritë e vogël shumë me përfitu

Pastrohem, pastrohem errësira thërret

Eja o drit në mua ajo bërtita

Më shih se si jam zhytur, e asesi me u pastru

Sjam më si më parë, me shkëlqyer e me ndriçu

Errësira mua më ka robëru, ndihmë jam unë duke kërku

Nga zërat veshët po më çahen,

E nga trishtimi zemra po më boçet

Dridhem jo nuk kam aspak forcë, jam e mbushur e gjitha sëklet

Fryma më rëndohet e gjoksi më çahet

Një gur në zemër më eshtë rëndu

E copat e thyera të tij, lëng në trupin tim janë shëndrru

Nganjëhër ndihem se fluturoj, e nganjëher se jamë e harruar

Se s'kam nevojë për askënd të mendoj

E zërat, zërat ende në veshë më ushtojnë

Nga unë kërkojnë që të shpëtojnë.

Kush janë këto zëra që veshët mi çajnë

Pse s'më lënë të qetë, pse nga unë nuk shkojnë

Por jo fajin se keni ju

Guri brenda në zemër është shumë duke më rëndu

Më bën gjithcka për me harru përgjegjësitë e mia me i mohu

E një zë pra po me thërret

Nënë, nënë, ku po shkon si mund të na lësh vetë

Ky zë, me këtë emër kujt është duke iu drejtu

Mos jam në ëndërr, apo jam duke gabu

Sikur nga ky zë buron një nur, e gurin mbenda don me e shkatrru

Sikur nga ky zë vjen një val, e më bën gjaku me më vlu

Mundohem, e më në fund ja ku po arrij

Të heq gurin të hëq këtë llum të zi

E me vrrull lotët më shpërthejnë,

Klith, çirrem, bërtas e sikur, e sikur

Me të gjitha këto mundohem ti kthej ato që humba

Mundohem t'i pranoj ato zëra e ato rreze të njoma

Që ishin pjesë e unit tim

Mundohem ti kujtoj ato, e të kthehem në pakthim

E shaj, me piskamën më të madhe

Pluhurin e bardhë që ka hy në mu

Kërkoj dëmshpërblim për gjithcka që më ka shkaktu

Pata yjet në prehrin tim, pata diellin që më jepte shkëlqim

Po tani ku jan i humba, i treta në pafundësi

Ju lutem kthehuni ju përgjërohem, nuk jam më ai njeri

Më falni ju lutem falje nga zemra kërkoj

Më falni për dhembjen që ju shkaktova

Edhe pse vetë e humbur, t'ju bëj të tillë edhe juve tentova

Por jo, jo unë nuk e meritoj një falje të tillë

Nuk meritoj të quhem nënëe t'i përqafoj yjëzit e mi

Si nuk dëgjova, si u humba e u treta

Si lejova veten time në këtë gjendje me e pru

Ndihmomëni ju lutem familjen time jam duke shkatërru

E një fllad i lehtë prapë shpresë më jep

Se do të jem e falur, se do të jem hënë

Me diellin pran, dhe me yjëzit e vet.



Kaltrina Neziri, Kumanovë


Share/Save/Bookmark Lexoje te plote...

HORIZONTEVE TË PASHKELURA

>> Thursday, December 17, 2009

Xheladin Hamza

Në mesnatë
Në vetmi
Për shpirtin tim
Nga thellësia qiellore
Shkëpus qetësinë
Për të ecur horizonteve
Të pashkelura

Me sytë kërkoj
Engjëjt t’i shoh mbi trupin tim
Si më përkëdhelin me dashuri
Derisa sexhde i bëjë të Madhit Zot
Nga balli më pik djersë e kristaltë
E stolisur me mijëra ngjyra shkëlqyese...


Share/Save/Bookmark Lexoje te plote...

Ylli i natës

Hevzi Zeqiri

Mesele nate seç ishte atëherë,
Një yll i bukur, sytë m’i morri në terr,
Kaloi me shpejtësi dhe tha një fjalë.

Më kapi shtrëngimi e rrëqetha,
Mu duk se shpirti më shkoi atje ku desha,
Mes luleve të parajsës.

Kur pashë veten me se isha veshur,
Me veten u paka duke qeshur;
Atëherë e kuptova thënien e tij.

“Kurrë më parë nuk ke qenë si sonte,
Që vashave të reja goja do u belbëzonte,
Ndoshta do kënaqesh në jetën tënde.”

O shpirt i lazdruar - i thash timit,
Përse nuk të bie ndërmend të bëhesh i pastër.
Të ka mbuluar llumi e helmi – për dynja.

Petku me të cilin isha i veshur,
Me aromë të lules vjollcë ishte i ngjeshur,
Ishte aromë dehëse.

Petk, flakë si bora i bardhë,
Që në këtë botë nuk kisha parë.
Por në tjetrën a do të arrij të mbaj?!

Derisa të bëhem njeri me tamam,
Nuk më jep askush xhevap.
Jo-jo, në këtë gjendje jo! – nuk e bëni dot.


Share/Save/Bookmark Lexoje te plote...

Lule e bardhë

>> Monday, December 14, 2009

Hevzi Zeqiri

Lule e bardhë e lyer me baltë
Në fletët e bukura tashmë të dremitura
Të mbuluara nga dheu i lagët

Si arrin që ta ruash bukurinë
Të jesh zemër hapur madje edhe për baltën
Që në faqe të pështyn

Sa zemër madhe që je
Aromën e bukur t’ia japësh
Asaj që deshi të t’ poshtërojë

Ia ke kaluar njeriut, oj e bukura e dheut
Me mirësinë tënde të paqme
Që të verbrit ia kthen sytë


Share/Save/Bookmark Lexoje te plote...

Kam humbur mundësinë

>> Sunday, December 13, 2009


Unë kam ikur larg
Askush nuk do të më shohë kurrë përsëri

Unë dëshirova, u luta
por unë harrova
Dhe kurrë nuk u brengosa

Por më shiko tani
Unë kurrë nuk kam qenë kaq i frikësuar

Duke qëndruar përballë Zotit tim
Lot po më rrjedhin sytë

Dy libra hapen përballë meje
Unë kurrë nuk kam parë me kaq shumë faqe

Unë gjithmonë mendoja se isha i mirë
Por më dukej se isha shumë i keq

Lodhesha dhe lodhesha duke thënë: “All-llah”,
Se me vjen keq!

Nëse Ai do të më kthente prapa
Unë do të ndryshoja plotësisht

Por nuk kam më mundësi
Duhesha të kisha qenë një mysliman më i mirë

Shenjat në tokë
Më treguan se All-llahu ishte i vërtetë

Por mendimet e mia ndaluan
Unë kurrë nuk mendoja se Ai ishte i vërtetë

Kështu që, përse jam këtu, ku ndodhem?
Në portat e xhehenemit!

Qava e qava
Por askush nuk është duke ardhur për të më ndihmuar tani


Përktheu nga anglishtja: Zeqir Esati


Share/Save/Bookmark Lexoje te plote...

Unaza që ta dijë

>> Saturday, December 12, 2009




La shokun që të shihet
All-llahu dha që të blihet
Ishte e bekuar dhe e lyer
Lëshoi urdhër për ta kryer
Agoi dita u zbardh qielli
Humbi nata shkëlqimi erdhi
E ilustruar me shumë arë
Iku për ta kryer mbarë
Lyente bukur për së lehti
Aty fjala më e madhe mbeti
Lloji i shkruar i kulluar
Aludon për të mësuar
Hm..! la ilahe il-lall-llah
Muhammeden Resulull-llah po ia bashkëngjita
U mendua Ebu Bekri
Harroi fjalën e pejgamberit
Athua vallë çdo të thotë
Mori fund u shkrua unaza e arit
Edhe atë i gjithë shehadeti
Dhe filloi të kthehet mbrapsht
Udhës kur ai po kthehej
Nuri në fytyrë i vërehej
Resulull-llahu nuk e dinte
Ebu Bekri si do të vinte
Sa po vinte es-sidiku
Urdhër erdhi nga All-llahu
Le të shkruhet Ebu Bekër
Unë desha pasi që ai deshi
Lloj i bekuar i ilustruar
Ah sikur të jem sikur ai
Hap për hap me një vijë
E ta gëzojë këtë mirësi
Burrë të bëhem e jo fëmijë
U gëzova aq shumë
Bilbil u bëra për këndim
E përsipër shqiptim
Ku do të jehoj fjala e Tij
Ëmbël në qiell të hingëllojë
Rrugës për në xhennet të më shpie

Valbon Rushiti


Share/Save/Bookmark Lexoje te plote...

Të kujtoj

Dhe sikur natën të dilte dielli
Që në tokë të shfaqen hijet
Sikur dita të bëhej natë
Që në të t’ dalin yjet
Unë s’do të mundem pa ty

O zemra ime shfaqe dritën në sytë e mi
Që të shoh botën e bukur
Se nuk po mund të rri

Sa sy të bukur kishe natën
Kur më shikoje me dashuri
Sa vezullim i bukur që ishte
Shikimi yt në zemrën time
Që desh me mbytje me dashuri

Shpesh herë më duket se të kam afër
Nga gëzimi rrëqethem
Zhgënjehem

Shpesh herë dua të vij te ti
Kur mendoj pak më thellë
Duhet të vdes

Hevzi Zeqiri


Share/Save/Bookmark Lexoje te plote...

Afër lumit Vardar (4)

Dukesha i marrë
Përballë buzëqeshjes tënde
Të çeliktë prej kozmosi...

Fshihen ndjenjat
Nga paragjykimet
Botëkuptimit tënd

Dikur lundroja
Bashkë me valët
Karshi mahnitjes tënde...
Hamdi Nuhiju


Share/Save/Bookmark Lexoje te plote...

Jeta

>> Friday, December 11, 2009

Po shkrihem i tëri nga kjo jetë
Sa shumë koncepte tani po shfaqen
Dilemat për mua, duhet t’i përballoj
Sprovimet e rënda duhet t’i duroj

Ja kështu na qenka krijuar
Eh sa mund të madh po më dhuron
Ta kisha ditur se çka na demonstrojnë
Athua dielli e hëna po na shkatërrojnë?

Nëse shikojmë realitetin nure ndriçojnë
Mirëpo më duket se kemi filluar të ndryshojmë
Athua njerëzit po gabojnë?!

Cili na qenka shkaku i gjithë kësaj
Më në fund arrita ta kuptoj
Një sistem i krijuar nën themele të forta
Për të dalë nga kjo krizë që më ka kapluar
E gjithçka që lash prapa të kem harruar

Valon Iseni


Share/Save/Bookmark Lexoje te plote...

Dashuria

>> Thursday, December 10, 2009

Si një pëllumb i bardhë
Si erë e pandarë
Si lulja me erë
Dashuria ka vlerë

A vlen të thuhet
A vlen të përmendet
A vlen të shkruhet
Se pa dashuri nuk duhet

Atje ku kënga jehon
Atje ku dielli rrezon
Atje ku lumi rrjedh
Atje dashuria e lumtur bredh

Ajo që na duhet
Ajo që nuk shuhet
Dashuria ruhet
Ajo e do mirësinë
Ata e donë dashurinë

Si një pëlhurë e bardhë
Ata janë të pandarë
Janë si kërcelli me lule
Po si yll gravure

Dashurinë e jeton
Atë e kujton
E kurrë se harron

Ilir Saliu


Share/Save/Bookmark Lexoje te plote...

Besimtarët

Në këtë jetë ne kemi punë për të bërë
Është sprovë për ne dhe ne jemi duke e kaluar atë
Kur’ani i shenjtë gjithnjë do të jetë udhërrëfyesi ynë
Është shpallja e fundit e All-llahut që ne duhet të pajtohemi me të
Ne vazhdimisht kemi luftuar të gabuarën
Dhe jemi përpjekur për të vërtetën
Ne jemi kampionët e të shtypurve
Në një luftë botërore
Duke punuar së bashku për të krijuar vendin tonë
Të pavërtetën, injorancën dhe varfërinë ne do t’i largojmë
Le të ndërtojmë modelin e të gjithë komiteteve të tokës
Pasardhësit do ta dinë që ne i kemi ndjekur urdhrat e All-llahut
Ne do te prodhojmë nga toka e All-llahut pjesën tonë materiale
Mos na jep gjëra të tilla si pullat e ushqimit
Dhe të mirëqenies!
Komitetet tona Islame do të prodhojnë gjithçka që ne kemi nevojë
Le të na bekojë neve All-llahu me besim, durim dhe këmbëngulje për sukses!

Përktheu nga anglishtja: Argjend Iseni


Share/Save/Bookmark Lexoje te plote...

Unë mbështes fatin tim në Mëshirën Tënde

>> Wednesday, December 09, 2009

Ne të gjithë duam të jemi të shpëtuar
Nga djajtë e kësaj bote
Ne dëshirojmë të fluturojmë
Dhe të pushojmë në kopshtet Tua

Unë kam dëgjuar se është thënë
Unë kam besuar dhe unë do të jem i shpëtuar
Unë ka dëgjuar se është thënë se kopshtet e Tua janë të lira
Dhe të gjithë janë të shpëtuar

Duke mohuar të gjitha gënjeshtrat
Gjendet shpëtim i gënjyer
Nuk ka asgjë të denjë

Duke ndaluar përtacinë tonë
Nuk ka asgjë të denjë për adhurim
Duke na urdhëruar në të vërtetën e krijimit tonë

“Nuk është askush i denjë që të adhurohet pos All-llahut”

Tani unë kam thënë atë, a jam i shpëtuar?
Nëse unë jetësoj atë, unë jam i shpëtuar
Jo, tani unë jam robi yt!

Por një rob i cili është i lirë!
Që kam mbështetur fatin tim mbi Mëshirën Tënde!

Përktheu nga anglishtja: Mevlan Avdili



Share/Save/Bookmark Lexoje te plote...

E dielë

>> Tuesday, December 08, 2009



Vehap S. Kola


Sot, e dielë hijesh qe dita
E ëmbëlisur nga shiu dhe vreshtat
E zgafellur nga shtegtimi i njerëzve stinorë

Ditë shkurtabiqe që hijeve u fal shtat
Profeteshë e shiut si dallëndyshja
Preu mespërmes duart e mia
Kredhur në diell të bakërt perëndimi

Me gjak diellor, fytyrat e njerëzve lyej
Siç lyenim me gëlqere trungjet pranverore të pemëve
Dhe fytyrat e qirinjta sonte zbardhëllojnë qytetin

U desh dielli bërë theror
Tash hijet shtegtojnë si dallëndyshet
Që foletë e tyre t’u mbeten njerëzve
Se nuk ka stinë për dashuri,
As himne, as trëndafila
Shpirtra po


Share/Save/Bookmark Lexoje te plote...

Jeta

Amir Idrizi

Sa e bukur është jeta
Kur njeriu jetën e shijon
Sa të mira na sjell jeta
Asnjëherë mall nuk përjetojmë

Jeta është sikur lumi
Që rrjedh me shpejtësi
Sot jeton; a je nesër nuk e di

Uji që rrjedh në lumë
Është si fryma e njeriut
Uji që kalon ai nuk kthehet më


Share/Save/Bookmark Lexoje te plote...

Poezi

>> Sunday, November 29, 2009

Sejhane Mehmeti

Do të jem
Largë
Valigje Camërie
Lahutë, plisë
Lëkurë malli
Mëngjese gjaku
Nostalgji bajame
Epokë e madhe
Vetmi shkrimore


Share/Save/Bookmark Lexoje te plote...

Me fat Bajrami

>> Friday, November 27, 2009


Kerim Gashi

Fillon me lindje dielli
Urohet me buzeqeshje
Qe ngjyroset nga kaltersia e nje qielli
Dhe na vijnë bekimet e Zotit, ne formë reshje

Uroni o ju krijesa te Zotit
Me sinqeritetin dhe formen e Lotit
Buzeqeshni dhe gezohuni
Drejtë nje qellimi te bukur te gjithe bashkohuni

Krenohuni me Zotin tuaj Bujar
Qe na bekoi me Islamin dhe na bëri Krenar
Me buzeqeshje dhe hare, ta gezojmë kete festë
Qe edhe dielli per te buzeqeshur, fillon i largon retë.

Eshte kjo ndjenjë qe ka madhesin e nje Vigani
Qe juve te dashur Musliman, ju urojë kete festë Bajrami.


Share/Save/Bookmark Lexoje te plote...

Mall për palestinën

>> Thursday, November 26, 2009

Valon Iseni

T’i përkujtojmë ato çaste dhimbjesh e vuajtjesh
Që u kaluan në ato momente plot frikësim
Ato lot që u rrjedhën e që s’mund t’i përshkruajmë
Në atë vend të bekuar, në Palestimë

Tani të bindemi që nuk qenka lehtë pët të luftuar
Derisa zemrat tona të arrijnë ndjenjat e duhura
Të mos mbesin si kanë qenë të zemëruar
Të thërrasim vëllanë, të shkojmë për të luftuar

Që atëherë kur ngjau, nostalgjia s’më ka mbaruar
Më ka mbetur brengë si nuk i kam ndihmuar
E pyes veten, athua ndoshta jam dënuar
Edhe për atë vend që nuk duhet shkatërruar


Share/Save/Bookmark Lexoje te plote...

Diell


E kam pritur gjatëkohë diellin
Majash të kredhura në qiej të mrrolët dhjetori
Me vetulla të thinjura reshë
E kam ruajtur fshehjen e tij të gjatë
Me sy të kuq vullkanesh

Kam kënduar këngën e hirtë të muzgut
Me tinguj të ngjirur jehonash
Të trokut të kohës mbi tokën e etërve

E sëmurë nga nanizmi
Nata, nuk e mban dot ëndrrën time
Në barkun e saj të enjtur
Nga eshtrat e triumfeve tanë të mitur

Një varrezë shenjtorësh martirë
Tempull i liturgjisë së heshtjes
E vetme, ka çelur sytë të shohë kthimin e diellit

Në luginën e përgjumjes
Lëngon i çshenjtëruar
I dehur nga avujt e lëkurës së tij
Qyteti
Ta shohë i fundit diellin


Vehap KOLA


Share/Save/Bookmark Lexoje te plote...

T’bardhën këmishë


Marramendja në frytin e orgazmës, lirinë e bani egërsinë
Shtrati tash, n’bekim kërkon varrin e frymës,
E t’bardhën këmishë me ojna gjaku t’lanë te koka,
Që dikur lidha nyje pa më pa kërkosh, netëve t’vona.

E tash, vetun në pjekuni të vonë radhiti pamjen
Hinin, tanë e shpërndava deri te toka e premtuese...

Mos harro, se në gjëmën e kryqëzimit nga bukuria,
Shumë tallje iu ba lisave të tamblit, nga shpirti i keq.
Kush nuk e preki gjoksin e rrahun për vdekje,
Pos ai që idhnueshëm ende loton tokave të liga.

Për vdekje të marrume lanë krumin e stërpikur keq,
Sepse të dashunova dhe ta përplasa udhën në fytyrë
Nga zjarrmia në dimnin e heshtun, më lanë t’amblin pikëllimin,
Në murgun e dhunën shpirtnore.

O Zot!
Ndihma e hijes në këto çaste shkundë hanën e heshtun
E di, se ajo arratisjen nuk e dashunoi ma ambël se jetën
Pavdekësinë e kërkoi në synin e kalbun prej ere
Asnjë tym trupi s’ta kërkoi qielli
E lodhun, rikthehesh natën tek unë...
Ata sy, të janë ba hi në ferrin e madh të dorës së tjetrit.


O Zot!

Ku janë fjalët e mëdha në gjinin e shkrumbuam?
Nga mallkimi s’ma shëndosh koha fytin e terun
Udhëtimin e trupave të vrazhdë e melankolik.

O Zot!
E dashunova përtej vetes,
Larg,
Larg,
Marrëzisht.

(Shkëputur nga libri me i ri i imi " Dashunia e dashunive",)


Flamur MALOKU


Share/Save/Bookmark Lexoje te plote...

MË MIRË DUART SE ZEMRAT


Le të bien të gjitha gjethet nga drunjët

se nuk mund të duket bota më e trishtuar

se kur ranë vetullat e Jakubit nga malli për Jusufin.

Le ta ngjyrosë vjeshta jetën e kësaj bote

me të gjitha ngjyrat se ngjyrën e e fytyrës së Jusufit

në momentin e hedhjes nga vllezërit në pus,

nuk ka vjeshtë që mund ta pikturojë.

Le të lëshojnë retë e zeza shi sa të duan mbi tokë

se një pikë loti nga sytë e Jakubit në këmishën e grisur të Jusufit

është më e rëndë se të gjitha retë e ngarkuara me shi.

Le t’i zbardhojë dimri malet sa të dojë,

deri në orën e fundit të ekzistencës së universit,

se një thinjë në kokën e Jakubit është më e ftohtë

se të gjithë dimrat e jetës bashkë.

Le të lëshojë pranvera me trëndafilat e saj

çfardo arome se aromën që ndjeu Jakubi nga këmisha e Jusufit,

nuk ka pranverë që do ta sjell mbi dhe.

Le ta djegë e pjekë vera tokën me diellin përcëllues

sa të dojë se nuk mund t’ia kalojë nxehtësisë së verave të thata

të atij që ëndërronte i lirë por nuk e dinte kuptimin e ëndërrave të veta pa Jusufin e robëruar.

Le të dehen nga bukuritë e kësaj bote gratë e të gjitha pallateve

se dehja e grave nga bukuria e Jusufit të cilat prenë gishtrinjtë

në vend të frutave që mbanin në dorë, është më shumë se dehje.

Mbase më mirë që i prenë duart,

se po të jetonin më gjatë në praninë e bukurisë,

do t’i harronin edhe emrat, do t’i prisnin edhe zemrat!


Fatmir MUJA


Share/Save/Bookmark Lexoje te plote...

Jetë

>> Wednesday, November 25, 2009


Sejhane Mehmeti

Errësira brigjet ledhaton
ëmbëlsira
e rërës
jetës
nga pentagrami i vetmisë
rima jete kërkon


Share/Save/Bookmark Lexoje te plote...

Për një jetë

>> Tuesday, November 24, 2009


Hevzi ZEQIRI

Një besë e dhënë
Një fjalë e shkruar
Një lot nga zemra
Kodra u bë përrua

Ka shumë kohë që mbetën të kujtohen
Mbetën vetëm si një përrallë fëmijësh
Ka shumë gjëra që kemi dashur të bëjmë
Por si duket jeta s’na mjaftoi


Share/Save/Bookmark Lexoje te plote...

HIMNI I SERAFIMIT

>> Sunday, November 22, 2009

Gjithë kuazaret të rrehtuar
Vrimat e zeza të shkapërderdhura
Tymni i thurur me fije të ylberta
Elektromagnetike
Kallëpe akujsh më cingërrojnë
Kupat plot me pije t’smagradta
Lumenjë që bartin shpirtërat të molisur
Tek u shkruaj kohën në gjethin e jetës vulos
Puthjet e të dashuruarëve që
Ballin vizatojnë medalione
Engjëjtë tufa tufa t’i dallojnë
Prej atyre që lidhin nyje
Në ujë fryejnë urrejtjen
Lumin për ta kontaminuar
Me urrejtje radioaktive
Jeta dhe vdekja nuk janë vullneti yt
Kjo është këngë e të pjekurve
Të cilët biejnë në dorën time si petale
Të trendafilit të bardhë

Fahredin SHEHU


Share/Save/Bookmark Lexoje te plote...

Dashuria


Njëherë më bën zjarr
Me fjalët e tua të ëmbla
Më sjellë tërë botën
Para syve të mi.

Më bën të ndihem me
E lumtura në botë
Kur më shikon me
Ata sy të ëmbël.

Shkrihem si qiri
Pro nuk zgjat shumë
Vetëm një ditë

Pastaj me një fjalë
Rrenon gjithë botën
Mbi kokën time

Por prapë
Me buzëqeshje të zjarrët
Dhe me fjalë të ëmbël
Më kthen në jetë.

Zeqavete RAMADANI


Share/Save/Bookmark Lexoje te plote...

Jeta dhe valët

>> Friday, November 20, 2009

Faredin SHEHU

Kur fillon jeta
Lindin valët
Kur vazhdon jeta
Trazohen valët
Kur mbaron jeta
Fundosen valët

Jeta është si valët e detit të trazuar
Mbi brigjet e portit të bekuar


Share/Save/Bookmark Lexoje te plote...

Sindroma e përjetësisië!


Erduan Kllobucishta

Rasti vjen,
Ankthi e zbulon,
Cdo mendim dridhet,
E ben ti sillet mendja rrotull,
Dhe gjendja eshte sikurse zemerimi te kishte fituar,
Kete gje e thoshte Kierkiggardi i vetmuar.

Dhe ti shpirt qe kerkon lirine,
Shkelmon lirine e pafajshmerine,
Jeton me driten e intuites ,
Brenda ankthit qe pi gjakun e pendimit.

I plandosur sa hap e mbyll syte,
I semuri kerkon realitetin pertej mureve te cmendise ,
Nje realitet qe kerkon urtiesine,
Apo nje urtesi qe kerkon sundromen e perjetesise?!

Njerez te heshtur gjithandej
Me portret buze-gaz nje filozof i trilluar
Ne kete bote ku filozofet pine ujin e helmatisur
Ne mesin e valltareve sufi qendrojne si hipnotike
Kerkojne nuancat e gjithesise
Brenda nje te kaluare te kalbezuar

C’marezi, depression, paranoje,
Njerez hapni dritaret le te hyj ajri i paster.
Mjaft me me heshtjen e shtypur,
N’mes trupit qe ngrohtesia bucet.
Kapi yjet me duarte si te nje varfenjaku
Ndrysho gjithcka…
“Sepse gjithcka eshte e ndryshueshme
Pervec ligjit te ndryshueshmerise” (Herakliti)


Share/Save/Bookmark Lexoje te plote...

Një jetë plotë jetë

>> Thursday, November 19, 2009


Gentian Jetishi

Një jetë plotë jetë
Një jetë pak jetë
E shkurt a po e gjatë
Prapë mbetet jetë
Prapë mbetet jetë.

O ti që jeton
Jeton bashkë me ne
Merr frymë në horizont
A e din përse
Përse ekziston
Dhe emrin që e mbartë
A e meriton
A e meriton
Njeri - human .

Sa ditë pa bukë
Dhe pa kulm mbi kokë
Dikur kisha shumë
E sot asnjë shok
E sot asnjë shok.

Prandaj shpesh herë pyes
Edhe shumë kërkojë
Ku mbet shpirti im a thua ku shkoj
A thua ku shkoj ?

Ku je
Shpirti human i popullit tim
I vendit tim
I shpirtit tim
Ku je
Ku je miku i mirë
Në këtë ditë të vështirë
Ku je
Të kërkojë dhe nuk të gjejë
Sot ku je ?

Me zërin e stomakut
bie në gjumë
Me dëshirë të vetëm
të flejë më shumë
Se kur zgjohem,
asgjë mirë s më pretë
Se gjithë miqtë e mirë
Janë humbur janë tretë
Janë humbur janë tretë .

Ku je
Shpirti human i popullit tim
I vendit tim
I shpirtit tim
Ku je
Ku je miku i mirë
Në këtë ditë të vështirë
Ku je
Të kërkojë dhe nuk të gjejë
Sot ku je ?


Share/Save/Bookmark Lexoje te plote...

ÇANTA E UDHËTIMIT


Hasan BAFTIJARI

Oj çantë
A nuk u lodhe nga udhëtimi
A s'të ka ardhur koha për t'u kthyer
Të kam mbajtur mbi supet e mia një kohë të gjatë
Dhe kurrizi më është kërrusur
... U lodha ...
Udhëtim akoma udhëtim...
Drejt një bote të panjohur
U bëre jastëku im
Ajo me të cilën ndaja jetën time
Shoqëruesja e udhëtimit tim të gjatë.
... Ah moj çantë ...
Ti që mbajte dhembjet dhe rënkimin tim
Ruajte të fshehtat e mia...
E çmendur je ti!
Je e dashuruar pas udhëtimit!?
Ti nuk ke as vend as vatan
Kurse unë
Kam humbur vatanin dhe ëndrrat e mia ...
Nuk kam strehë që më mbulon
As vatan që më strehon.
Sillem vërdallë rrugëve
Dhe jam këtu
Duke ecur e ecur
I humbur mes rrugicash
Kaloj male e lumenj
Këmbët nuk më mbajnë më...
Nuk di a kam vend në këtë libër
Asgjë nuk më kujtohet
Përveç lotët e nënës në çastin e ndarjes
Ti oj çanta ime
Të lutem, më thuaj
Kush e shkroi që ne të dy të jemi shokë rruge
Të përgjërohem me atë që të bëri ty
Shoqëruesën time të përjetshme.
Të lutem...
A nuk ka ardhur koha që të të lë në një cep
Që t'i tregoj rrëfimin shoqes time të jetës
Në takimin që kam ëndrruar prej kohësh
E di që je xheloze për këtë
Ngase ti kërkon të qëndroj me ty
Të shetisim çdo vend të kësaj bote
Sikur SINDIBADI
Të bëhem rob i yti.
Mos u frikëso moj çantë
Se akoma më merr e më dërgon aty ku dëshriron ti
Por, do të më humbasësh një ditë...
E do të merr malli për mua
Ti do të plakesh
Do të jesh e arrnuar
Por mos u mërzit
Nuk ka mërzi më te madhe
Se të humbasësh vatanin
Dhe të mos mund të kthehesh atje
Lerma mua mërzinë...
Ajo është shoqja ime e jetës
Është bashkëudhëtarja ime
Herë e mundi e herë më mundë
Kam frik të vdesë dhe të lë vetëm
Kush do të mbajë pas meje?
Kush do të kujdeset për ty, oj çanta ime?
Tek ti shikoj atdheun tim
Shokët, familjen
Fëmijërinë time, ditarin tim
Rënkimet e thellësisë së shpirtit
Nga pesha e kohës së pluhurosur
E mbushur me helmin e verdhë që rritet e rritet
Tallet me ne, na rethon
E pasta na hedhë nëpër rrugë
Të errëta e qorrsokaqe.
Oj çantë ...
A nuk ka ardhur koha të kuptosh
Se ai që humb vatanin është
I pa vend në këtë botë të çmendur.
Pa vend, pa identitet
Është thjesht një numër në pasaportë.


Share/Save/Bookmark Lexoje te plote...

Braktisja e prindit!!!

>> Monday, November 16, 2009

Arta ALIJA

Vlera e prindit është shumë e madhe
Kujtoje veten kur ishe fëmijë
se si të gëzonin ty prindërit gjithnjë,
çdo ditë të ledhatonin
të përqafonin dhe ngrohtësi të ofronin.
Kujtoje nënën se si të ushqente,
me plot dashuri në përqafim të merrte.
Kur ti ishe i sëmurë nuk haje e nuk pije!
Ajo qante afër teje si një fëmijë,
lotët e saj rrjedhnin e gjumë në sy tërë natën nuk kishte.
Afër ty të rrinte, duke lutur Zotin që sa më shpejt të shërohesh.
Kujtoje babain se si me mund të rriti
Duke punuar pa pushuar që ty kushtet për t’i plotësuar!
Që të mos jesh nga shokët i dalluar.
Të rriten e të shkolluan, të deshën dhe prapë të duan.
Deri sa ata punonin ti i deshe!
kur pleqëria u erdh dhe kishin nevojë shumë për ty
për përkrahjen dhe dashurinë tënde
përse i braktise?
përse i le?...
dhe shpinën ua ktheve!
Si nuk ndjeve dhimbje për ta?
i le dy pleq të vetmuar në shtëpi...
Të vetmin djalë të kishin ty.
Gjithë jetën u munduan
që të gjitha dëshirat ty për të plotësuar
Çdo ditë prisnin me mall që ti në derë të trokisje
por sa vite kaluan me këtë shpresë,
pleqtë e shkretë?
Nëna luste Zotin çdo ditë.
Që ti të kthehesh.
Që t’i njoh nipat e mbesat!
Që janë rrit e kurrë s’i pa, as zërin kurrë s’ua dëgjoi!
Me vuajtje pleqërinë kaluan.
Kur baba të vdiq!
Përse nuk erdhe?
Të tjerët në varr e lëshuan dhe ti aty nuk ishe!
Nëna me zemër të thyer, me veten fliste,
ku je, o bir i nënës që në këtë ditë nuk erdhe?
Vuajtjet nënës më shumë iu shtuan,
kur në shtëpi mbeti e vetmuar...
Por një shpresë e mbante të gjallë,
se ndoshta një ditë do ta shoh djalin e saj!
Zotit i lutet çdo natë dhe ditë
që së paku dhe një here të të sheh
Duke u lutur sytë iu mbyllën,
vdekja e mori pa të pa
me zemër të thyer vdiqën të dy
dera e shtëpisë u mbyll
e ti duke jetuar në perëndim!!!


Share/Save/Bookmark Lexoje te plote...

ME SHPIRT TË QETË

Xheladin HAMZA
Më le të të shikoj
Me sy të tjerë
Se të mi u verbuan
Qerpikët mu mbyllën
Përjetësisht....


Mbi gjoksin tënd
Nën tingujt e rrahjeve
Të zemrës sate
Që i ngjajnë gurgullimës
Të lumit në ikje...

Me shpirt të qetë
Bash aty
Mbi gjoksin tënd
Dua të vdes!


Share/Save/Bookmark Lexoje te plote...

Liri në hapësirë

>> Sunday, November 15, 2009



Udhë pas udhe në shpirtin hapsinor
Në qendër të vetëdijes së mirëfilltë
Në mesin e kënaqësisë shpirtërore

Në fazën e pjekurisë së burrit burrë
Në shijen e jetës së ëmbël si hurme
Qëndron njeriu që mund të jet zemërgurë

Në mes tij dhe tjetrit është dashuria
Më buzën e fjalës së bukur ëmbëlsirë
Rrezaton fjala që jo vetëm thuhet, LIRI!

Hevzi ZEQIRI


Share/Save/Bookmark Lexoje te plote...

Vdekja

>> Friday, November 13, 2009


Qenka errësirë, asgjë nuk po shoh!

Po dëgjoj vetëm zëra...

Por nuk po i njoh...

Prek trupin,

Qenka ftohur si hekur,

Më në fund e kuptova

Se paskam vdekur!

Përreth meje ka shumë njerëz shoqërojnë,

Dhe ndiejnë dhimbje,

Se në moshë të re kam vdekur.

Dhe fjalë të mira më thonë,

Por unë e di se ata s'më kanë dashur kurrë,

Por pse sot po aktrojnë?

Oj jetë që me vuajtje më mbushe,

Ku jeni o prindërit e mi të dashur,

Që çdoherë më ngushëllonit...

Pse sot nuk më dëgjoni?

Unë ju flas, ju vetëm heshtni!

Oj jeta ime që më mashtrove,

Me këto valë të kota,

Ku isha unë atëherë çfarë,

Më mashtroi që mos t'i nënshtrohem Allahut!

Ku jeni oj shoqet e mia që vazhdimisht më shoqëronit...

Oh sa ndjenjë e hidhur...

Shumë valë të jetës kalova,

Se ka gropa të thella unë,

Asnjëherë s'e mendova...

Sa çudi...nuk më ndihmojnë,

Sa shumë më premtonin,

Por sot as nuk më shikojnë...

Dëgjoj një zë të ëmbël,

Që më ngushëlloi,

Qenka ezani që trupin ma rrëqeth,

Por kësaj radhe nuk më fton në namaz,

Por xhematin të ma falin mua namazin!

Çdo gjë përfundoi me mua,

Por kam një lutje o xhemat,

Më dëgjoni...

Në varr kur të më lëshoni,

Lërmani një vrimë

Ta shoh dritën e kësaj bote,

Që vrapova shumë pas bukurive të saj...

Vrapova pas çdo gjëje

E tash... e tash...

Çka fitova???


Xhejlan ALI


Share/Save/Bookmark Lexoje te plote...

Video rasti:

  © Blogger template Simple n' Sweet by Ourblogtemplates.com 2009

Back to TOP