VLERAT E BESIMTARIT

>> Wednesday, January 30, 2008


IBNI SINA
(AVICENNA)
(980-1037)


Ai që e njeh të vërtetën
Është trim e guximtar,
E si mos të jetë
Kur gjatë tërë jetës
Është i mbrojtur
Nga frika e vdekjes!

Ai që beson të vërtetën
Është shpirtmadh, plot njerëzi,
E si të mos jetë,
Kur gjithmonë
Zemra e tij
Është përplot me dashuri!

Ai që e kupton të vërtetën
Falë, mëshiron prore,
E si mos të jetë kështu
Kur me kuptueshmërin e tij
I kupton lehtë
Mashtrimet djallëzore !

Ai që jeton për të vërtetën
Nuk ka urrejtje, as djallëzi,
E si mund të ketë,
Kur shpirti i tij,
Sa të jetë jeta
Ushqehet nga e vërteta!

Përktheu nga anglishtja:
Mexhid YVEJSI, Gjakovë



Shënim për shkrimtarin:
Emri i tij i plotë është:
Ebu’Ali el-Husein ibn’Abdullah ibn Sina. Lindi në vitin 980, në fshatin Afshara, afër Buharasë, në Azinë Qendrore. Ndrroi jetë në vitin 1037 në Hamadan . Ishte persian.
Në Perëndim njihet me emrin e latinizuem :Avicenna.
Ka qenë shumë i ditur, në shumë fusha të diturisë. Ishte hafiz që në moshën dhjetë vjeçare. Ka qenë gjuhëtar, fizikant, kimist, astronom, poet, teolog, jurist, ushtarak…..
Ka shkruar rreth 450 libra, prej të cilave 68 libra janë fushën e teologjisë, 16 libra janë në lëminë e mjekësisë, 11 libra në fushën e metafizikës, katër libra me poezi etj.


Share/Save/Bookmark Lexoje te plote...

Lufta me jetën

>> Monday, January 28, 2008



Jerida KULLA


Me jetën
qëkur linda u përlesha,
flokët ca nga ca
me gërshërët e harresës
shkurt ia preva.
Gjymtyrët me shqelma
ia theva,
cung të shtrirë
në shtrat e lashë.
Në agoninë e dhembjes
bërtet e çirret...
Veten e mallkon
pse njerëzve
kaq lehtë iu jepet.


Share/Save/Bookmark Lexoje te plote...

Jeta

>> Saturday, January 26, 2008


Almedina DAUTI


Pse vallë e do jetën

kur ajo dhuratë përgëzimi

gjithëmonë ta dhuron VDEKJEN.


Pse vallë e përqafon

kur ajo pa mëshirë të sulmon

me zjarrë të përgëzon.


Pse vallë gëzohesh

kur të mira të dhuron

kur ajo prapavijen e ka të të hidhëroj.


Pse vallë synimet tua

i ke drejtuar shumë larg

ku mund të jetë minuti ai që të ndan nga ajo.


Pse vallë i'a dhuron

kur ajo me gjembat e saja trupin ta shkatrron

e gjakun ta helmon.


Pse vallë mundohesh ta ngritësh

në shkallën që se meriton

kur qellimi i saj i vetëm është të të nënqmoj.


E ke shtruar sofrën

me të mira t'pakufizuara

nesër ndoshta do të jesh tek kontinjerët rrizkun duke kërkuar.


Merrë stolitë e saja dhe stolise vetën

mos kthe shikimin mbrapa

por shfrytëzoje JETËN.


Kapë në dorë armën

e lufto me vetën kryeje misionin tënd

e përshëndetu me JETËN.


Share/Save/Bookmark Lexoje te plote...

Dynjaja


Almedina DAUTI


Dhe në qoftëse flaka e dunjas
pa ndërprer më kërcnon
do marrë forcën e dijës
e do i bëjë ballë,
e nëse me këtë nuk do ja dal
do të kapë litarin e sunnetit
e si nuse e zbukuruar
do i rri asja dhe
në qoftëse do peshoj nga ajo
do rrokem me thonjë nga e mira
e drejtë sja të shkoj
e në qoftëse gjuha e saj ironike
me lajka më lajkaton
do të marrë për bazë Kur'anin
e nga realiteti i bukur do të fitoj
e nëse në kurthat e saj do filloj
të bije pa e vërejtur dot
atëherë kur të më qelen sytë
do të kthehem tek vendi im që më takon
e nëse dashurija ime për të
do të filloj të rritet
do e lë bukën në sofër
që ta shoh si është të vritesh
e nëse e shoh për të madhe
këtë që jam duke e vepruar
do hy në asketizëm për tu qetësuar
e në qoftëse me lojën e saj
do të filloj të lozë
do kërkoj nga MËSHIRUESI
që të më mëshiroj
e nëse prej rrugës së drejtë
do të filloj të dalë
do kërkoj nga UDHËZUESI
që t'më udhëzoj
e nëse lirin e plotë ma premton
unë prap nuk do i besoj
por me veprat e mija
lirin do e servoj
e nëse mundimet e saja
ma mbulojnë dritën
do kapë margaritar durimin
e do e largoj errësirën
e nëse etje për pasuri
pa dashje do të ndjej
do vizitoj të varfërin
që ta mund dëshirën
dhe nëse kufijët e të mirës
do filloj t'i kaloj,
do zbathë këpucët që
e zbathur e me therra në këmbë
rrugën drejt të amshueshmës
pa ankime e lodhje ta vazhdoj.


Share/Save/Bookmark Lexoje te plote...

A do te vije nje dite ?


Almedina DAUTI


A do të vije një ditë
ku unë do të gëzohem
ku do të flas lirshëm
e nuk do të turpërohem
ku do të buzëqeshë me zemër
e në qetësi do të qetësohem
ku do të eci e sigurt
e nuk do të rrëzohem
ku do të bëhem e bukurë
e nuk do të shëmtohem.
Ado të vie një ditë
ku unë do të gëzohem
ku do të ndjejë aromën
e nuk do të tmerrohem
ku do ta shohë vdekjen
e nuk do të dëshpërohem
ku do të hy në terr
e do të ndriqohem
ku do të pyetem nga melekët
e nuk do të frigohem
ku do të flas fjalë të drejta
e do të lirohem.
Ado të vie një ditë
ku unë do të gëzohem
ku do të jetë djelli afër
e unë në hije do të qlodhem
ku do të filloj të llogaritem
e veprat e mira do të më peshojn
ku do të pyetem për çdo imtësi
e unë do të krenohem.
Ado të vie një ditë
ku unë do të gëzohem
ku do t'më hapet dera e amshimit
e me Selam do të përgëzohem
ku do i shoh krijesat
e do të lavdërohem.
Ado të vie një ditë
ku unë do të gëzohem
ku do të pi ujë të bardhë
e kurr nuk do të eshtohem
ku do te shoh Pejgamberin
e do të krenohem.
Ado të vie një ditë
ku unë vërtetë do të gëzohem
ku do të shoh fytyrën e KRIJUESIT
e do të zbukurohem.


Share/Save/Bookmark Lexoje te plote...

Vuajtje permanente


Sadete SULEJMANI


Çdo natë e laj jastëkun me lot
Çdo ditë është e pakuptimitë dhe e kotë
Çdo javë është më e vështirë se tjetra
Çdo muaj më sjell kujtime të vjetra
Çdo sekondë është si njëqind vjet
Çdo minutë më duket si jetë
Çdo rrahje e zemrës rëndë po më godet
Çdo mendim në mua po më vret
Çdo ëndërr tek ti më sjell
Dhe e gjithë kjo shpirtin ma tremb!
Pse???


Share/Save/Bookmark Lexoje te plote...

PA SHERIAT-S’KA TARIKAT

>> Friday, January 25, 2008


IMAM XHUNEJD EL-BAGDADI
(830-910)


Nëse e shihni
Ndonjë njeri
Duke fluturuar,
Askush
Mos t’i beson,
Askush
Mos t’a pason,
Përderisa
Rregullat e Sheriatit
Ai nuk i zbaton….

Përktheu nga anglishtja:
Mexhid YVEJSI, Gjakovë


Share/Save/Bookmark Lexoje te plote...

Do të jetojmë me faljen e dashurisë


Jerida KULLA


Shqiptari endet në caqet e ekzistencës së tij.
Lufton me shpresën
se një ditë do të ketë guxim të shohë veten e tij në pasqyrë.
Në brigjet e lumenjve
nuk do të kërkojë më të humburit.
Për ta do të ketë një adresë
ku të këndojë këngët e lumturisë,
ku të jetojë përditshmërinë që i ka falur i madhi Zot.
Shumë pak na duhet, nuk e keni kuptuar?
Bukë e kripë e zemër.
Zemra akoma ju rreh,
kështu që edhe bukë ka për të gjithë.
Ka kohë që rrugëve të Evropës endemi të uritur,
kemi kërkuar derë më derë,
duke u kthyer në lypsar zemrash.
Po ne ngopemi kollaj,
na mjafton një prekje duarsh,
një përqafim vëllazëror.
Kur shpirti e zemra është plot
barku nuk ndien uri,
njeriu ngopet, vetëm me dashuri.
njeriu s’ngopet pa dashuri.
Ka shumë rëndësi shpirtërorja
se materialja vdes pa hapur mirë sytë.
Kemi jetuar me urinë e dashurisë
do të jetojmë me faljen e dashurisë.


Share/Save/Bookmark Lexoje te plote...

Valët që elektrizojnë

>> Thursday, January 24, 2008


Hamdi NUHIJU

Në thellësi të zemrës,
Buron kjo fjalë,
Si uji zemzem...

Falë afshit tënd,
E shikimit tim,
U humbëm...

Fjala pasqyron ndjenjën e shpirtit,
Brengë e cila elektrizon valët në gjithësi,
Të dua ,t`a thash , por t`i e shurdhër si gjithnjë...

Kjo zemër e çelikt që më sfidon,
Fjalë pas fjale ta mas pulsin e dashurisë,
Nën hijen e Krijuesit më i lirë...

Ndalë , ndalu , ku do ikësh???
Mos je shkronjë që pasqyron?
Shkrumb e hi mbi gjithësi...

Në shadërvanin e vjetër të vizatuar me gravur,
Besimtarët buzëqeshin , flijojnë kohën në vendin e duhur,
Blegëron kjo zemër si një oqean pafund...


Share/Save/Bookmark Lexoje te plote...

Kalim


Jerida KULLA


Eci mbi ujë
mbi petale zambakësh të bardhë,
pjalmi përkëdhel lehtë këmbët
duke parfumosur qetësinë e ëmbël...
Kur të arrijmë në tokë
mes pluhurit,
të lodhur
do të tregojmë etshëm përrallën tonë:
“Na ishte njëherë një liqen,
e ca zambakë...”
E djeshmja do të qeshë se do të kujtojë
se jemi akoma me të.
E tashmja do të presë të ardhmen
mes pluhurit,
me shpresën
do të mbjellë mbi baltën
zambakë uji të bardhë...


Share/Save/Bookmark Lexoje te plote...

SHENJA E BESIMTARIT

>> Wednesday, January 23, 2008


MUHAMMED IKBALL
(1877-1938)


Sot të gjithëve
Një gjë dëshiroj,
Shenjën e besimtarit
Dëshiroj t’ju tregoj:

Kur besimtarit
Vdekja i vjen
Në fytyrën e tij
Buzëqeshja shkëlqen.

Përktheu nga anglishtja:
Mexhid YVEJSI, Gjakovë


Share/Save/Bookmark Lexoje te plote...

Shpresën kërkoja










JEHONA PERQUKU


Kur mbrenda hy e mbyllem,
Kërkojë të gjejë qetësinë,
Në errësirë të dendurë zhytem,
Mendimet , ënderrat me kapërdin.

Në kete natë të heshtur,
Vakumi e qetësia më mbuloi,
Dukesha si shkëmb i gdhendur,
Vetëm akrepi i ores më shoqëroi.

Nuk kisha fuqi ta tejkaloja,
Energjia mbrenda meje u shua,
Si trup i vdekur qëndroja,
Edhe bota jshtë u frustrua.

Më humbi Motivi të jetoja,
Edhe ajrin përreth e trazova,
Shkretirë ,etje ne mes te detit,
Fjalën e vetme ,,shpresë” kerkoja


Share/Save/Bookmark Lexoje te plote...

Kur’ani – burim i udhëzimit dhe ndërtues i jetës

>> Tuesday, January 22, 2008


Xhejlan ALI





All-llahu të krijoi
Të la të veprosh i lirë
Çfarë të duash ti
E ti
Duhet t’i bindesh Atij

Ai të dha shëndet
Të dha jetë
Të dha rini
E ti
Duhet t’i shfrytëzosh

Kur’an të shpalli
Ta dërgoi Pejgamberin më të dashur
Ty ta dërgoi
E ti
Prapë devijon…

Ta tregoi modelin
Ta premtoi Keëtherin
Të takoi me Pejgamberin
E ti
E dëgjon të ndjerin…

Vallë, a s’je përmalluar?
A nuk do të hysh në Firdeës?
A nuk do të kesh jetë të mirë
A nuk do të marrësh frymë lehtë?
A ndofta e pëlqen Zjarrin…?

Jeta t’u ndërtua
Të ardhmen e ke të qartë
Kijameti s’po duron
Israfili dëshiron…
E ti, a s’po mendon?

Kur’ani ta ndaloi shirkun,
Dëshiron shpëtim për ty!
Ta ndaloi kamatën,
Dëshiron pastrim për ty!
Andaj, bëhu mendjehollë!

Askush nuk është më i mirë se ai!
Ai është i përkryer!
I tillë gjithmonë do të jetë!
Do të valojë në zemrat e të mençurve
E ti, je i ftuar të hysh në aradhë!


Share/Save/Bookmark Lexoje te plote...

Pesë porosi





Imam Aliu r.a.

Mos shpresoni asgjë
Nga askush në këtë jetë,
Vetëm nga i Madhi Zot,
Që është Një dhe i Vërtetë.

Mos u frikësoni kurrë
Nga të ligat e huaja,
Por të keni frikë gjithmonë
Nga mëkatet e juaja.

Mos u turpëroni kurrë
Të thoni: nuk di!
Nëse ndokush ju pyet
Për çfarë s’keni njohuri.

Por, përpiquni të mësoni
Atë që ju ka kaluar,
Dhe mos ngurroni kurrë
Për të mësuar, studiuar…

Nuk ka kurrfarë mirësie
Në një trup pa krye,
As nuk ka besim
Një zemër që s'ka durim.

Përktheu nga anglishtja:
Mexhid YVEJSI, Gjakovë


Share/Save/Bookmark Lexoje te plote...

Imazhi gri

>> Monday, January 21, 2008


Hamdi NUHIJU

Zgjatje , thumbim,
Nën krijesën e tejdukshme të Orientit,
Skuqem si kurrë më parë...

Lajkave të koshientit iu përbirove,
Mbi hije si fluturë gjethesh,
Më rrëmben...

Audienca e mbushur përplotë me durimtar,
Simbolizma të devijuara nën një pemë,
Fascinon shquarsinë time...

Dashuri i thonë, jo vdekje,
Imazhi gri mbi xhaminë me kupolla,
Në minaret e ezanit të jetës...


Share/Save/Bookmark Lexoje te plote...

Përthyerje mëkatare


Jerida KULLA


Nata theu pasqyrën
në oxhakun e shtëpisë sime,
tymi fshehu krimin
nga sytë kureshtarë të yjeve...
I mblodha copat e zjarrta.
M’u dogjën duart,
m’u përvëluan,
lëkura përtokë më ra.
Lexova në heshtje
Atë që bota në mëkat e la...
Lotët rrodhën varg
që të lehtësonin dhembjen e duarve.
Për syrin e trishtuar
u bënë barrikadë.


Share/Save/Bookmark Lexoje te plote...

ETJA E PANGOPUR



Jehona Perquku , Vushtrri


.........etja e kaploi,


durimin e përpiu lumi,


lum që pandërprerë vërshoi,


që nuk i shihej fundi.





Pasion dhe epsh e vërbuan


ecja nëpër modernitet


tërë qenien ia përshkuan


edhe nëse i tëri po tretet.


vetëm i varfër mos t'mbetet.





Zemra gjak pikon nga malli,


endej sikur toka po e përkund,


në mëkate, të imëta si zalli,


rrugë që e dergoi pa fund.





,,Eh,...., po tani ku jam?


Pse po humbas dhe rënkoj?


Po kjo nuk është jeta ime!


Luftova vallë për këtë sketërr të zi!


Të mbetem i vetëm e në mjerim!


Ku i lashë të dashurit e mi?


Gruaja që të më jap përqafim,


zëri i ëmbel i fëmijëve,


që do i mbuloja puthje e gëzim”





,,Kur do t'i jap fund sprovimeve?


Kush do ma falë portën e gabimeve?”





,,Erdhi vdekja pa sëmudje,


Të urrej Mërgim i mallkuar,


A do ta gjej prehjen me lutje,


O ZOT më ndihmo qofsh i bekuar”




Share/Save/Bookmark Lexoje te plote...

KËSHILLË

>> Sunday, January 20, 2008


MEVLANA XHELAL ED-DIN RUMI(1207-1273)


E pyeta mbrëmë

Një plak të ditur,

Plotë urtësi,

Për t’më treguar

Shumë fshehtësi,

Që ka kjo gjithësi.

Por,

Ai më përshpëriti në vesh

Me shumë dashamirësi:

“Kjo nuk tregohet,

Duhet të mësohet.”


Përktheu nga anglishtja:Mexhid YVEJSI, Gjakovë


Share/Save/Bookmark Lexoje te plote...

E ardhmja, përjetësisht e jotja


Jerida KULLA


Nëse s’të bëhet vonë
për atë që je sot
të paktën mendohu
për atë që mund të jesh nesër.
E sotmja dhe e nesërmja
takohen diku, në një pikë të së shkuarës,
aty ku mendimet
hedhin vallen e çmendur të arsyes;
aty ku arsyeja është thikë me dy presa.
Duke mos pasur rrugë nga të shkosh,
rri në udhëkryq,
në kilometrin e gjatë të pritjes,
se mos në një moment presa
pushon së vepruari.
E në atë moment trëndafila gjaku
çelin në çdo hap që hedh.
E megjithatë, ti nisu,
nisu me vrap
që të arrish vijën e finishit,
që e ardhmja të jetë përjetësisht e jotja.


Share/Save/Bookmark Lexoje te plote...

Nata s’është e qetë...

>> Saturday, January 19, 2008


Jerida KULLA


Heshtja përvjedh
imazhet e deformuara
të ndriçimit të zbehtë të hënës.
Kërcitje dere,
kënga e një gjeli,
të harruar kush e di se ku,
shkëlqimi harkor i qiririt
të bëjnë të kujtosh
se e nesërmja po vjen.
Nata s’është e qetë...


Share/Save/Bookmark Lexoje te plote...

KUSH JAM

>> Friday, January 18, 2008


SHEJH IBN ALI-FERID
(1181-1235)


Jam i dërguar
Prej vetvetes,
I dërguar
Tek vetvetja.
Për mua
Është dëshmi
Thelbi im,
Shenjat e mi…

Përktheu nga anglishtja:
Mexhid YVEJSI, Gjakovë


Share/Save/Bookmark Lexoje te plote...

Jemi të verbër…


Jerida KULLA


Të fshehur nën strehë
ruhemi nga shiu
se mos na lag,
na bën pis.
Harrojmë
se ruajtja është e kotë.
Ne jemi të lagur,
ne jemi pis,
shumë pis…
Lagia nuk do të bëjë gjë tjetër
veçse do na kujtojë
ku jemi,
do na kujtojë
kush jemi.
Jemi në tokë
duke ëndërruar me sy hapur,
duke jetuar si në përrallat
e moçme
dhe presim që gjithmonë të ketë një fund të lumtur,
presim fundin e lumtur...
Jemi mëkatarë
që e mbajmë veten
si shenjtorë.
Nuk do të jetë çudi
që së shpejti të kërkojmë
që një ditë e muajit
të ketë emrin tonë.
Ju mos u çudisni,
gjithçka mund të ndodhë:
të bërat i bëjmë të pabëra,
të bardhën të zezë,
realitetin ëndërr
apo ëndrrën realitet.
E ç’rëndësi ka çfarë bëjmë
e si e bëjmë,
për kë e bëjmë.
Në çdo gjë
jemi të verbër.
Të verbrin nuk mund ta shash.
Ne jemi të verbër, prandaj nuk na shani dot.
E kush jeni ju?!
Ju jeni si ne,
jemi si vëllezërit siamezë.
Ju jeni të verbër,
ju jetoni në tokë,
ju ëndërroni
me sy hapur,
ju jeni shenjtorë mëkatarë.
Ju, ne, jemi,
po nuk jemi,
vetëm vegjetojmë si dimërakët.
Dhjami i mëkatit na përkund ëmbël
në ditë-netët monotone.

Jemi të verbër…


Share/Save/Bookmark Lexoje te plote...

Hipokrizi moderne

>> Thursday, January 17, 2008


Jerida KULLI


Në këtë botë tinëzare
vetëm unë e ti nuk kemi vend,
luajnë e qeshin klounët e dreqit
dhe çdo gjë e bëjnë përshesh.
përshesh sinqeritetin,
turli moralin,
turshi ndershmërinë,
kurorë dafinash hipokrizinë,
piedestal tradhtinë,
medalje e artë gënjeshtrën.
E ne mendohemi se kë të marrim,
të marrim njërën apo tjetrën.
Nga prapa si pullë poste,
na e ngjitin dashamirësit e dashur.
Mendohu,
mendohu,
se mjekra
përtokë do të të bjerë,
I vetëm si asket do të mbetesh
në ishullin tënd,
ku gjarpërinjtë
me gjuhë kërkojnë të të lëpijnë.
O asket vetmitar,
çohu dhe bashkohu,
ec dhe rrëzo litarët e arsyes
që lidhin mosarsyen e ndërgjegjes.
E atëherë do të jesh,
Prometeu zjarrdurues.


Share/Save/Bookmark Lexoje te plote...

Kur nata bëhet ditë

>> Wednesday, January 16, 2008

Hamdi NUHIJU


do më kërkosh në horizontet e thella

nuk do me gjejsh,

jam diku larg aty ku shikimi yt nuk ka fund...

me afsh dashurie të flas,

por jo si më parë,

zemra egërsohet,

shumë netë u bënë ditë...

n`kraharorin tënd vetëm ëndërrova,

durimi u bë plaçkë e udhëtarëve të rrugës,

një zemër e lënduar...

harrova veten duke shikuar në ty,

meskin i mesjetës së ndritshme,

jo , nuk mundem të peshoj mbi ty...

kur netët bëra ditë ,

mendimi,

zemra,

fjala

përkëdhelja u shua...

në përkujdesjen e Krijuesit jam,

por pa ty po rëndohen fjalët,

gjurmëve të bukurisë tënde vrapova,

prap mbeta me All-llahun tim....

hmmmmmmm sa qetësi,

si fllad i verës në detin Marmara,

faqet e skuqura në Sharr,

dëshmojnë në duan time për ty,

o Zot ruaje.....Amin...


Share/Save/Bookmark Lexoje te plote...

Sot më vdieset e nuk di përse

FAHREDIN SHEHU

As per t’u bashkuar me Zotin mall nuk ka ky mallkim

As per t’u bashkuar me vetën nuk ç’mallet ky lëngim

Lotët lavë m’i thajnë kapilaret e syve i djegin fare

Gjaku magmë ma ndan trupin e zemrës coftinë fare

Shpirti parfum avullohet mbushë mushkëritë e mëkatarëve

Fryma ballsam kullohet mbushë palcat e mëkatarëve

Trupi nyje më lidhet

Shikon si kalohet pa u vërejtur

Jeta është emër i bukur

Bie si petale e trëndafilit të bardhë

Këndova për ata

Ata janë unë dhe vdesim tok

Sot më vdiset e nuk di


Share/Save/Bookmark Lexoje te plote...

VETËM ME DASHURI...


MEVLANA NUR ED-DIN ABD ER-RAHMAN IBN AHMED EL-XHAMI(1414-1492)


Qindra gjëra

Mund t’i provoni

Por, vetëm me dashuri

Vetveten mund t’a çlironi.

Kur’anin e Shenjtë

Nuk mund ta lexoni,

Nuk mund ta këndoni,

Para se alfabetin t’a mësoni…


Përktheu nga anglishtja:Mexhid YVEJSI, Gjakovë


Share/Save/Bookmark Lexoje te plote...

RRUGA E SUFIJVE

>> Tuesday, January 15, 2008


IBN HALDUN
EBU ZEJD ABD ER-RAHMAN
BIN MUHAMMED
(1332-1406)


Rruga e Sufive
Është në t’vërtetë
Rruga e Selefijve.
Është rruga
E të mirëfilltëve
As’habë, dijetarë,
Të brezit të parë.
Është rruga
E Tabi’inëve,
Brezit të dytë,
Siç është
Kjo rrugë
E vërtetë
E Tabi’ et-tabi’inëve
Brezit të tretë.
Në Sufizëm kërkohet
Vetëm All-llahu t’adhurohet,
Dhe prej shkëlqimeve,
Kënaqësive mashtruese,
Të kësaj bote
Zemra të largohet…

Përktheu nga anglishtja:
Mexhid YVEJSI, Gjakovë


Share/Save/Bookmark Lexoje te plote...

Merimangë dhe Flutura

>> Monday, January 14, 2008

Merimangë dhe Flutura


Një ditë Merimangë i tha Fluturës,
“Ti cdo herë e kalon shtëpinë time, por kurr nuk hyn brenda.


" A është shtëpia ime aq e fëlliqur për këmbët tua?
Pse nuk vjen brenda që të ulesh?

“Ti po iu largohesh të huajve, mos u brengos këtë unë e kuptoj,
por unë jam një mik shumë i dashur, dhe kam vetëm gjëra të mira në plan.

“Shtëpia ime është e pershtatshme për një mbretëreshë, apo jo?
Kështu që ka shkallë përballë, nësë ndonjëherë dëshiron që ta vizitosh."

"Ztr. Merimangë, unë jam gjithashtu e menqur, " ishte përgjigjja e fluturës.
"Shko vendos për dikë tjetër, por mua mos provo asnjëherë.

"Kushdo qoftë ngjitet shkallëve tua përgjithmonë mbetet ngulitur,
Ztr. Merimangë, unë jam gjithashtu e menqur, ti do duhej të kishe menduar për këtë!'

Dhe Merimangë tha, "Mendon se shtëpia ime është shumë e thjeshtë që ti ta shikosh?
Unë dua që ti të jesh e lumtur, por shihet që ti nuk kujdesesh për mua.

"Pse nuk vjen brenda që ti pushosh krahët e tua të lodhura?
Brenda unë mbaj shumë gjëra të bukura.

“Shtëpia ime është e bërë nga dritaret, do të kënaqëshe në të.
Unë kam gjëra më të përshtatshme që nuk janë për këdo."

Flutura iu përgjigj, "E gjithë kjo është e bukur, por një ofertë nga ju nuk do marr kurr.
Unë e di më mirë se sa të flej në shtratin tënd nga ku nuk do mund të zgjohem asnjëherë."

Merimangë ishte i impresionar nga menquria e fluturës,
" Por s imund ta zë atë" Mendoi, "si mund ta provoj këtë?

“Duke ia bwrw lajka!” mendoi Merimangë, është gati sa rregull, lajka mund të transformoj cdo gjë të menqur në gënjeshtër.


"Oh e dashura zonjë! tha Merimangë, "Mos mendo se jam duke të të mashtruar!
Ju jeni shumë e menqur, për të mos përmendur dhe shumë e bukur.

Kryt tuaj është e dekoruar me margaritar, dhe sytë e tu shkëlqejnë cdo ditë.
Ti je madhështore, intelegjente dhe e mirë. Thjeshtë perfekte në cdo mënyrë."

meqë Merimangë vazhdoi ti bëj lajka asaj, flutura bëhej më e impresionuar.
"Unë nuk kam nevojë të kem frikë nga ti" tha ajo, "Mund të clirohem nga stresi im.

“Refuzimi i një ofertë të dikujt nuk është gjë e mirë për të bërë;
thyerja e zemrës së ndonjërit është tmerrësisht e dhimbshme."

Andaj me plotbesim, flutura fluturoi drejtë e në marimangë,
Kurr arritë në rrjetën e saj të ngjitshme, Merimangë me shpejtësi e zuri.

Budallakia e fluturës i kushtoi asaj një marëveshje të shkëlqyer,
Por etja e Merimangës u zhduk, duke ngrënë ushqim të shijshëm.


Interpretim poetik i Allama Muhamed Ikball nga poema “EK MUDRA AUR MAKHI


Përktheu: Visar KORENICA


Share/Save/Bookmark Lexoje te plote...

UDHËZIMI


SHEJH DH. EL-MISRI(V.859)


Nuk të dua,

Kështu i tha

Një njeri

Shejhut El-Misri.

Ai ia ktheu,

Pa u shqetësuar:

Nëse e keni njohur

All-llahun e Madhëruar,

Ai të mjafton.

Nëse nuk e njeh,

Atëherë,

Gjeje dike

Që e njeh,

Ai do t’udhëzon…


Përktheu nga anglishtja:Mexhid YVEJSI, Gjakovë


Share/Save/Bookmark Lexoje te plote...

ROBËRIA


IMAM FAHRUDDIN ER-RAZI(1149-12O9)


Kush

Nga armiku

I vet

Në ndihmë

Shpreson,

Ai,

Nga goja

E gjarpërit

Helmues

Ilaçin

E kërkon!


Përktheu nga anglishtja:Mexhid YVEJSI, Gjakovë


Share/Save/Bookmark Lexoje te plote...

UNË NUK DI

>> Saturday, January 12, 2008


SHEJH XHABIR
IBN’ABDULLAH EL-ANSARI
(1006-1088)


Egon
Kur e zhdukni
Të Dashurin
E gjeni.
Nuk ka
Tjetër fshehtësi.
Më shumë
Se kaq,
Unë s’di…

Përktheu nga anglishtja:
Mexhid YVEJSI, Gjakovë


Share/Save/Bookmark Lexoje te plote...

JETA E ZEMRËS

>> Thursday, January 10, 2008


IMAM MUHAMMED EL-GAZALI
(1054-1111)


Jeta e zemrës
Është - njohuria,
Ruaje,
Mirëmbaje.

Vdekja e zemrës
Është - padituria,
Gjuaje,
Largoje…

Përktheu nga anglishtja:
Mexhid YVEJSI, Gjakovë


Share/Save/Bookmark Lexoje te plote...

KUPTUESHMËRIA

>> Wednesday, January 09, 2008


HAXHI BEKTASH VELI
(1248-1341)


Për atë
I cila ka
Kuptueshmëri,
Një shenjë
Mjafton
Dhe ai
Të kupton.

Për ata
Të cilët s’kanë
Kuptueshmëri,
Njëmijë shenja
Njëmijë shpjegime,
Nuk mjaftojnë
Që t’kuptojnë…

Përktheu nga anglishtja:
Mexhid YVEJSI, Gjakovë


Share/Save/Bookmark Lexoje te plote...

BOSHT FJALESH TE HEKURTA

>> Tuesday, January 08, 2008


Minushe DAKU


Rrugetim kalldermash

te thyere,

rrugetim guresh...

Vrojtim kodrash gjigante

ngjajne

endrrat e nje udhetari...

Mjegull dendurne

boshtin e vrenjtur

cajne

shpresat

rrugen e ecur...

Nje shenje aty,

nje vrime atje

bresheri hapash

ne shpatullen e gjere

ngjan rruga e shpreses

ngjan rrugetimi i heshtur

Rrugetim kalldermash te lagur...


Share/Save/Bookmark Lexoje te plote...

RRUGA E SUFIZMIT



IMAM XHUNEJD EL-BAGDADI

(830-910)


Kushdo që Kur’anin

Përmendësh nuk e mëson

Dhe hadithet nuk i shënon,

Nuk është i gatshëm

Këtë rrugë ta vazhdon.

Dituria e jonë themelohet,

Shkencës tonë i përket

Vetëm ajo që buron

Në Kur’an dhe sunnet.


Përktheu nga anglishtja: Mexhid YVEJSI, Gjakovë


Share/Save/Bookmark Lexoje te plote...

FJALA E VËRTETË

>> Saturday, January 05, 2008


DERVISH JUNUS EMRE
(1238-1320)


Fjala e vërtetë
Është fryt i heshtjes.
Prej fjalëve të tepërta
Zemra rëndohet,
Tymohet, mjegullohet.
Nëse dëshironi
Zemrën ta pastroni,
Prej mjegullës,
Prej tymit
Thuani thelbin
E fjalimit…
Zoti vet vetëm
Të vërtetën e flet.
Folni të vërtetën
E keni për vetveten.
Sepse çdo mashtrim
Përfundon me ndëshkim…

Përktheu nga anglishtja:
Mexhid YVEJSI, Gjakovë


Share/Save/Bookmark Lexoje te plote...

Ç’ËSHTË FEJA?

>> Tuesday, January 01, 2008


SHEJH EL- ARUSI


Feja është

Një kopësht

Me pemë.

Rrethoja është:
Sheriati,

Pemët janë:
Tarikati.

Frytet janë:
Hakkikati.

Por, cilido

Që s’ka
Sheriat,

Ai s’ka fe,

As Tarikat,

As Hakkikat…


Përktheu nga anglishtja:Mexhid YVEJSI, Gjakovë


Share/Save/Bookmark Lexoje te plote...

Video rasti:

  © Blogger template Simple n' Sweet by Ourblogtemplates.com 2009

Back to TOP