Dua

Besnik JAHA

Dua të shoh

E s’jam e lirë të shikoj

Dua te dëgjoj

Por veshët m’I kanë mbyllur

Dua edhe të udhëtoj

E jam e mbyllur në kafaz

Dua dhe të mendoj

Por mendimet m’I burgosën

Dua të këndoj

Por gojën ma mbyllin me t’dy duart

Dua edhe të shkruaj

S’më lënë as laps, as letër

Po që se dua dhe të vuaj

S’më lënë, thonë vuajtja është e vjetër

E kur veten dua ta ruaj

S’më lënë, m’thonë kjo është e huaj

Dua shumë gjera

Por asnjë dëshirë s’m’plotësohet

Edhe po që se dua veten ta ruaj

Edhe kjo nuk më lejohet

Kur dua të lexoj

Librin nga dora ma kapin

Posa filloj të eci

Ma ndërpresin hapin

Dua, po vërtet dua

Po pse s’m’i plotësojnë dëshirat

Po a është ky vendi im apo thua …

A duhet t’i shijoj këtu të mirat?