Nëse…

Besnik JAHA

Nëse…

Nëse me ty të mos isha

Vallë ç’do të mendoje?

Nëse asgjë të mos kisha

Me mua do të jetoje?

Nëse të mos isha i pasur

Do të ishe me mua?

Nëse sytë të më kishin plasur

Do të më thoshe të dua?

Nëse do t’jetoja larg, diku

Do t’vije tek unë?

Nëse do të isha ashtu

Ç’do të bëje, ç’punë?

Nëse do t’mbetesha i përçmuar

Edhe ti do t’më përçmoje?

Nëse do të isha i harruar

Ti a do t’më harroje?

Nëse do të humbesha

Ti a do t’më kërkoje?

Nëse do t’isha askushi

Ti ku do të rrishe vallë?

Nëse, thjesht si kurrkushi

Do t’kishe për mua mallë?

Nëse do të isha i vdekur

Varrin do t’ma vizitoje?

Nëse i gjallë, i mekur

Çdo të mendoje?

Nëse do t’mishkoje n’sy

Ç’do të mendoje vallë

Nëse ti me mua – unë me ty

Rast i rrallë.?!

Nëse…