Lapsi
>> Sunday, May 11, 2008
Kozeta BOCI
Lapsi shkruan.
Maja e lapsit qëndron tek shkronja e fundit.
Nga maja te goma pret që të shuajë njollën,
nëse lutja ngjitet lart me fuqi,
brenda kohës së caktuar.
Maja e lapsit është pothuajse shkronjë e re.
Nga maja te goma e njeh çdo pjesë detyrën e vet.
Maja e lapsit është shigjetë e ngulur në fat.
Gjurma mbi fletë është tharë,
prej kohe rri lart,
maja e lapsit qëndron ku lëvizi gjithçka.
Lapsi shkruan në dorën e burrit,
Lapsi shkruan në dorën e burrit,
dora e burrit tendoset në të
për çdo shkronjë të radhës në kohën e caktuar.
Lapsi vizaton në dorën e vajzës së vogël
që ende s’ka mësuar asnjë shkronjë.
Nga maja te goma e ndien lëvizja e kyçit të njomë.
Mbi fletë një shtëpi me çati,
një oxhak nga del tym,
disa shkallë të vogla për të hyrë nga dera
tek dritarja me saksi.
Mbi to një laps tejpërtej
dhe vajza e menduar me sytë përmbi fletë.
Ajo kishte qenë shumë larg grafitit të zi,
ishte dorëzuar tek e fshehta me të vërtetë
me mendimin e çiltër të fëmijës në gisht.
(Kush e vizatoi shtëpinë tek e fundit?
(Kush e vizatoi shtëpinë tek e fundit?
Veç lapsit atypari s’kaloi askush!!!
0 Komentet:
Post a Comment