Morali

Hevzi ZEQIRI

Jetë pa shpirtë është trëndafili i tharë,

Me rrënjën e etur për ujin: moral.

Jetë pa shije është pasuria pa fillim,

Pa themel të qëndrueshëm me gur morali.

Jetë pa aromë është shkëlqimi i syve,

I zhveshur nga petku i bukurisë.

Jetë e veshur me lule zambaku

Është bukuria njerëzore me këngën e bukurisë;

Në lulishtet e mëdha të qiejve

Me kurorën mbretërore të moralit të lartë.

Krenari mbi krenari është pasuria

Me shpatën e madhe të emëruar: fjalë;

Është maje shkëlqimi vepra burrërore

Kur në brendi ka të bukurin moral.