SHUMË PAK I GJERË , SHUMË PAK I GJATË

Jashar GASHI

Shumë pak i gjerë

prej krahut në krah.

I gjatë prej këmbëve

deri pak mbi ballë.

Një vend ku më pret

që ta kthej atë që hua e kam.

I thellë deri në bel,

Në brendësi shumë i errët

Trupin toka ma gëlltit,

Shpirti më kthehet

prej nga ka ardhur.

E imja nuk mbeti asgjë.

Jam ndarë në dysh,

Trupi në tokë, shpirti në qiell

E Veprat në libër.

Në Ditën e Gjykimit e shoh

se çfarë kam mbjellë.

A kam për të korrur sukses

apo i humbur në humnerë?!