Sytë e saj

Hamdi NUHIJU

Është natë

Errësira më mbyllet në kraharor

Ndërsa mendimi zhagiten

herë andej e herë këndej

Më zgjojnë sytë e saj…

Trembem!...

Në kodeksin e fjalëve të rënda

Sikur Fuzuliu i Mevlanave

Me kokën e ulur nën këmbët e saj

Shndërrohem në Junus Emre.

Sytë e saj në vargun e meditimeve

Më shpojnë thellë,

Sikur re e bubullima

Të frikshme me mision pafund…

Sytë e saj si qiej që vizatohen në mur

A muri vizatohet përmes saj në qiell

Nuk di në jam i çmendur! O i lënë! O ashik!

Nën fshehtësinë e dashunisë…