Më zotëro zotërotë !

Me emrin e Zotit këto fjalë po nisë
Fjalë që po më vrasin n'shpirtë të djalërisë
Fjalë që burojnë nga zemra e jo nga fytyra
E shtrembët , e rreme , e lyme me ngjyra

Këto ditë të sotit shum fjalë po ndigjoj
Nga zemëra solidare që nuk i kuptoj
Nga zemëra të prishuna me vello nusënie
Që japin ngushëllimin para agonie

Që të hapin varrin para se të vdesësh
E s'të japin shpresë as ni ditë të presësh
E s'të japin shpresë jetën me jetue
Se të mbajnë të lidhun gjithëherë me kërkue

Më zotëro zotërote nëse ke fuqi
E nëse nuk mundesh më le në liri
Më jep djersën e ballit , tokën edhe gjakun
Se k'to m'takojnë mua , nëse se di hakun

Krejt qka ke nga unë jan këto të tria
Provo nëse mundesh merri mendt' e mia
Provo nëse mundesh po s'do ja arrishë
Me mend i lirë jam , këtë mirë ta dishë

Nuk më krijoi Zoti të më zotërosh
Se ni Zot unë kam , s'dua ta hidhërosh
Këte dije mirë dhe më le të lirë
Më le ta jetoj dhe unë ditn' e mirë...

Argjend XHELILI